သတင်းနှင့် လှုပ်ရှားမှုများ

     ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ ဦးကျော်ဆန်းဝင်းနှင့် တာဝန်ရှိသူများသည် (၁၇-၆-၂၀၂၄) ရက်နေ့၊ နံနက်ပိုင်းတွင် ရေနံထွက်ကြီးကြပ်စစ်ဆေးရေးဦးစီးဌာနဦးဆောင်၍ ပူးပေါင်းအဖွဲ့ဖြင့် ပဲခူးမြို့အတွင်းရှိ စက်သုံးဆီအရောင်းဆိုင်များသို့သွားရောက်ကာ ဈေးကွက်စောင့်ကြည့်စစ်ဆေးခဲ့ကြပါသည်။

       စက်သုံးဆီဈေးကွက်စောင့်ကြည့်စစ်ဆေးရေးအဖွဲ့သည် ပဲခူးမြို့အတွင်းရှိ Max၊ ကျွန်းသာယာ၊ မြတ်မေတ္တာမွန်၊ Moon  Sun နှင့် မိုးထက် စက်သုံးဆီအရောင်းဆိုင်များသို့သွားရောက်၍ ရောင်းချနေမှု အခြေအနေများ၊ ဈေးနှုန်းနှင့် လက်ကျန်အခြေအနေများကိုကြည့်ရှုစစ်ဆေးပြီး ပူးပေါင်းအဖွဲ့မှ တာဝန်ရှိသူများက သက်ဆိုင်ရာဌာနဆိုင်ရာများအလိုက် လိုအပ်သည်များမှာကြားခဲ့ပါသည်။

         စားသုံးသူရေးရာဦးစီးဌာန၊ ထုတ်ကုန်လုံခြုံစိတ်ချရမှုဌာနခွဲတာဝန်ခံက စက်သုံးဆီရောက်ရှိမှုအခြေအနေ၊ အမှန်တကယ်ဖြန့်ဖြူးရောင်းချမှုရှိ/မရှိ၊ ရောင်းချရာတွင် အလေးချိန်အချင်အတွယ်မှန်ကန်စွာရောင်းချမှုရှိ/မရှိနှင့် ဈေးနှုန်းမှန်ကန်စွာရောင်းချခြင်းဖြင့် စက်သုံးဆီဝယ်ယူသုံးစွဲသူများ ထိခိုက်နစ်နာမှုမရှိစေရေး ဆောင်ရွက်ရန် ဆွေးနွေးမှာကြားခဲ့ကြောင်းနှင့် အဆိုပါပူးပေါင်းအဖွဲ့တွင် ရေနံထွက်ပစ္စည်းကြီးကြပ်ရေးဦးစီးဌာန၊ အထွေထွေအုပ်ချုပ်ရေးဦးစီးဌာနတို့မှ တာဝန်ရှိသူများ ပူးပေါင်းပါဝင်ဆောင်ရွက်ခဲ့ကြကြောင်းသိရှိရပါသည်။

DOCA(ပဲခူး)

              စားသုံးသူရေးရာဦးစီးဌာန တောင်ငူခရိုင်ဦးစီးမှူး ဦးမျိုးအောင်သည် ၂၀၂၄ခုနှစ် ဇွန်လ  ၁၉ရက်နေ့ နံနက်ပိုင်းက အုတ်တွင်းမြို့ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ လည်းကောင်း၊ မွန်းလွဲပိုင်းတွင် စားသုံးသူရေးရာဦးစီးဌာန၊ ဖြူးမြို့နယ်တာဝန်ခံရုံး အစည်းအဝေး ခန်းမ၌လည်းကောင်း၊ သက်ဆိုင်ရာမြို့နယ်များမှ စားသုံးဆီထုတ်လုပ်ဖြန့်ဖြူးရောင်းချသည့် လုပ်ငန်းရှင်များနှင့် တွေ့ဆုံ၍ ဥပဒေပြဌာန်းချက်များ၊ အမိန့်နှင့်ညွှန်ကြားချက်များကို အသိပညာ ပေး ရှင်းလင်းပြောကြားပါသည်။

              အခမ်းအနားတွင် ခရိုင်ဦးစီးမှူး ဦးမျိုးအောင်က အမှတ်တံဆိပ်ပါစားသုံးဆီများ ထုတ်လုပ်ရောင်းချရာတွင် စားသုံးသူကာကွယ်ရေးဥပဒေပါပြဌာန်းချက်များ၊ အမိန့်၊ ညွှန်ကြားချက် များနှင့်အညီ လိုက်နာဆောင်ရွက်ရန်ကိုလည်းကောင်း၊ ရည်ညွှန်းဈေးဖြင့် ဝယ်ယူရရှိသော စားအုန်း ဆီများအား ဈေးနှုန်းမြှင့်တင် ရောင်းချဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်း များမပြုရန်ကိုလည်းကောင်း ရှင်းလင်းပြောကြားပါသည်။

              ဆက်လက်၍ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့မှူးရုံးနှင့် မြို့နယ်စည်ပင်သာရေးအဖွဲ့တို့မှ တာဝန်ရှိသူများက သက်ဆိုင်ရာဌာနဆိုင်ရာများအလိုက် လိုအပ်သည်များကို ရှင်းလင်းပြောကြားပြီး လုပ်ငန်းရှင်များ၏ ဆွေးနွေးမေးမြန်းချက်များကို စားသုံးသူရေးရာဦးစီးဌာန၊ ခရိင်ဦးစီးမှူးနှင့် တာဝန်ရှိသူများက ပြန်လည်ရှင်းလင်းဆွေးနွေးပါသည်။

              အုတ်တွင်းမြို့၌ ကျင်းပပြုလုပ်သည့် တွေ့ဆုံဆွေးနွေးပွဲသို့ လုပ်ငန်းရှင် ၃၆ ဦးနှင့် ဖြူးမြို့၌ ကျင်းပပြုလုပ်သည့် ဆွေးနွေးပွဲသို့ လုပ်ငန်းရှင် ၃၇ ဦး တက်ရောက်ကြောင်း သိရပါသည်။

DOCA(ပဲခူး)

       စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်လျက်ရှိရာ (၁၇-၆-၂၀၂၄)ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့၊ အမှတ်(၅)ရပ်ကွက်ရှိ “သိန်းကမ္ဘာ”စက်သုံးဆီအရောင်းဆိုင်သို့သွားရောက်၍ အထူးဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရသည်။

      ထိုသို့ကွင်းဆင်းစစ်ဆေးရာတွင် စက်သုံးဆီအရောင်းဆိုင်များ၌ စက်သုံးဆီများပြတ်လပ်မှုရှိ/မရှိ၊ တရားမဝင်စက်ဆီ၊ ချောဆီများရောင်းချမှုရှိ/မရှိ၊ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ ရည်ညွှန်းဈေးနှုန်းများအပေါ် ညွှန်ကြားချက်များနှင့်အညီ ရောင်းချခြင်းရှိ/မရှိကွင်းဆင်းစစ်ဆေးခဲ့ပြီး အချင်အတွယ်မှန်ကန်စွာရောင်းချပေးရန်၊ ဈေးနှုန်းများမြှင့်တင်ရောင်းချခြင်းမပြုလုပ်ရန် အသိပေးပြောကြားခဲ့ပြီး စားသုံးသူကာကွယ်ရေးအကြောင်းသိကောင်းစရာ လက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံးလက်အောက်ရှိ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ၂၀၂၄ခုနှစ်၊ ဇွန်လ(၁၇)ရက်နေ့၊ နံနက်(၁၀း၀၀)နာရီအချိန်တွင် ကျွန်းလှမြို့၊ သစ်ရာမြိုင်ရပ်ကွက်ရှိ” စမိုင်းလ် “ကိတ်နဲ့မုန့်မျိုးစုံလုပ်ငန်းရှင်နှင့် သွားရောက်တွေ့ဆုံဆွေးနွေးအသိပညာပေးခြင်းဆောင်ရွက်ခဲ့ပါသည်။

     ထိုသို့တွေ့ဆုံဆွေးနွေးရာတွင် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံက စားသောက်ကုန်ထုတ်လုပ်ရောင်းချသည့် လုပ်ငန်းရှင်များနှင့်ပတ်သက်၍ စားသုံးသူအကာအကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာဆောင်ရွက်ရမည့်အချက်များအကြောင်း၊ အခန်း(၁၈)ပါကုန်အညွှန်းအမှတ်အသားနှင့်ပတ်သက်၍ စားသုံးသူကာကွယ်ရေးကော်မရှင်ကထုတ်ပြန်ထားသည့် ညွှန်ကြားချက် အမှတ် (၂/၂၀၁၉)နှင့်အညီ ကုန်ပစ္စည်းများပေါ်တွင် မြန်မာဘာသာဖြင့် မဖြစ်မနေဖော်ပြရမည့် အသေးစိတ်စိစစ်ချက်များဖော်ပြထားခြင်းရှိ/မရှိတို့အတွက် ” စမိုင်းလ် “ကိတ်နဲ့မုန့်မျိုးစုံလုပ်ငန်းသို့ သွားရောက် ကွင်းဆင်းစစ်‌ဆေးခဲ့ပါသည်။ အသင့်စားရသောမုန့်များဖြစ်သည့်အတွက်  သန့်ရှင်းမှုရှိစေရေး၊ မုန့်များထုတ်လုပ်မှုအဆင့်ဆင့်တွင်လည်း သန့်ရှင်းသပ်ရပ်စွာထုတ်လုပ်စေရေးနှင့် ဒေသတွင်းထုတ်လုပ်သည့် ထုတ်ကုန်များထုတ်လုပ်ရာတွင် ကုန်အညွှန်းအမှတ်အသားများပြည့်စုံမှန်ကန်စွာထည့်သွင်းဖော်ပြရန်အတွက် ဌာနအနေဖြင့် ဆောင်ရွက်ပေးလျက်ရှိကြောင်းနှင့် မိမိတို့မြို့နယ်အတွင်း ထုတ်လုပ်နေသော လုပ်ငန်းရှင်များ၊ မုန့်မျိုးစုံလုပ်ငန်းများနှင့် အစားအသောက်ထုတ်လုပ်နေသည့် လုပ်ငန်းရှင်များကိုလည်း ကုန်အညွှန်းအမှတ်အသားပြည့်စုံစွာဖော်ပြခြင်းနှင့်ပတ်သက်၍ ဌာနက အခမဲ့ဆောင်ရွက်ပေးနေကြောင်းနှင့်  ကုန်အညွှန်းအမှတ်အသားပြည့်စုံမှုမရှိသေးသည့် လုပ်ငန်းရှင်များကို ကုန်အညွှန်းအမှတ်အသားပြည့်စုံအောင်ထည့်သွင်း၍ ကုန်အညွှန်းအမှတ်အသားလျှောက်ထားရန် စကားလက်ဆင့်ကမ်းတိုက်တွန်းပြောကြားပေးရန်နှင့် ၎င်းနောက် လုပ်ငန်းရှင်များအား စားသုံးသူကာကွယ်ပေးရေးဥပဒေပါ စားသုံးသူအခွင့်အရေး(၈)ချက်အကြောင်းကိုရှင်းလင်းပြောကြားခဲ့ပြီး မိမိတို့စာသုံးသူအခွင့်အရေးများကို သိရှိနားလည်ပြီး စားသုံးသူအခွင့်အရေးများကိုလည်း တောင်းဆိုတတ်ရန်လည်းလိုအပ်ကြောင်း အကျယ်တဝင့်ရှင်းလင်းဆွေးနွေးပြောကြားပြီး (၂/၂၀၁၉)ပါ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)

     စားသုံးသူရေးရာဦးစီးဌာန၊ ကျိုက်ထိုမြို့နယ်တာဝန်ခံသည် ဌာနဆိုင်ရာများနှင့်ပူးပေါင်း၍   ၁၄-၆-၂၀၂၄ ရက်နေ့တွင် ကျိုက်ထိုမြို့နယ်အတွင်းရှိ ဆန်ဆိုင်များ၌ ဈေးနှုန်းမြှင့်တင်ရောင်းချခြင်းရှိ/မရှိ ကွင်းဆင်းစစ်ဆေးခဲ့ကြောင်းသိရှိရပါသည်။

      ထိုသို့ကွင်းဆင်းစစ်ဆေးရာတွင် ကျိုက်ထိုမြို့နယ်အတွင်းရှိ ဆန်သိုလှောင်ထားသောဂိုထောင်များနှင့် ဆန်ဆိုင်ကြီးများတွင် ဆန်အမျိုးအစားအလိုက် ဈေးနှုန်းမြှင့်တင်ရောင်းချခြင်းရှိ/မရှိစစ်ဆေးခြင်း၊ စျေးနှုန်းမြှင့်တင်ရောင်းချခြင်းအလို့ငှာ ဆန်များသိုလှောင်ထားမှုရှိ/မရှိတို့ကိုစစ်ဆေးခဲ့ပြီး ဈေးနှုန်းမြှင့်တင်ရောင်းချခြင်းမရှိကြောင်းသိရှိရပါသည်။

DOCA(မွန်)