ပြည်တွင်းကုန်သွယ်မှုသတင်း

             ပဲခူးတိုင်း‌ဒေသကြီး၊ ပဲခူးခရိုင်၊ ဝေါမြို့နယ်ဒေသထွက်ခရမ်းချဉ်သီး စံချိန်တင် စျေးကောင်း ရရှိသော်လည်း အထွက်နှုန်း နည်းပါးချိန် ရောက်လာပြီဖြစ်ကြောင်း ဒေသခံများထံမှ သိရှိရပါသည်။

              ခရမ်းချဉ်ကို မြေတစ်ဧကလျှင်၁၀၀ဂရမ်နှုန်း ပျိူးထောင်ရန်အပင်အ‌ရေအတွက် (၈၀၀၀)မှ (၁၀၀၀၀)ထိဝင်အောင်စိုက်ပျိုးနိုင်ကြောင်း၊ ရာသီဉတုအေးသောကြောင့် ပိုးမွှားကျ‌ရောက်မှုနည်းပြီး တောင်သူများအတွက် အထွက်နှုန်းတိုးကာ ဝင်ငွေကောင်းစေကြောင်း သိရှိခဲ့ရပါသည်။ ယခုအခါ စိုက်ပျိုးသူ ဦးရေနည်းပါးသော်လည်း စားသုံးသူဦးရေ များပြားသောကြောင့် ခရမ်းချဉ်စျေးနှုန်းမှာ အလွန် ကောင်းလျှက်ရှိကြောင်း၊ ခရမ်းချဉ် အပင်တစ်ပင်လျှင် (၄)ပိဿာ မှ (၆)ပိဿာအထိ ထွက်နှုန်း ရှိကြောင်း၊ စျေးနှုန်းအနေဖြင့် ယခင်ကခရမ်းချဉ်သီးတစ်ပိဿာလျှင် (၁၀၀၀-၁၅၀၀)ကျပ်ထိသာ ရှိသော်လည်း ယခုအခါဒီဇင်ဘာလအတွင်း ခရမ်းချဉ်သီး တစ်ပိဿာလျှင်(၂၈၀၀-၃၅၀၀)ကျပ်အထိစျေးနှုန်းမြင့်တက်လျက်ရှိကြောင်း သိရှိရပါသည်။

DOCA(ပဲခူး)   

     ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်၊ ကျိုင်းတုံမြို့၌ ချင်းများ ရာသီပေါ်ထွက်ရှိ သော်လည်း ကုန်စည်ဒိုင်မရှိ၍  မြို့မဈေးကြီးတွင်သာ ကျပန်းစနစ်ဖြင့် အရောင်းအဝယ်ပြုလုပ်နေ ကြောင်းနှင့် ကျိုင်းတုံမြို့နယ်ရှိ တောင်ပေါ်အုပ်စုများဖြစ်သော လွိုင်မွေအုပ်စု၊ ကတ်ထိုက်အုပ်စုနှင့် ပင်းတောက်အုပ်စုများတွင် ချင်းကို မိုးဥတုနှင့်ဆောင်းဥတု တစ်နှစ်လျှင် နှစ်ကြိမ်ကျ အများဆုံး စိုက်ပျိုးလျှက်ရှိကြောင်းနှင့် ကျိုင်းတုံမြို့နယ်မှ ပိုလျှံသောချင်းများကို မိုင်းခတ်မြို့နှင့် မိုင်းလားမြို့သို့ တင်ပို့ရောင်းချလျှက်ရှိကြောင်း ကုန်သည်တစ်ဦးထံမှ သိရှိရပါသည်။ ယခင်အောက်တိုဘာလတွင် ချင်းတစ်ပိဿာလျှင် လက်ကား (၂၅၀၀/-)ကျပ်နှင့် လက်လီ(၃၀၀၀/-)ကျပ် ယခု နိုဝင်ဘာလတွင် ချင်းတစ်ပိဿာလျှင် လက်ကား(၂၀၀၀/-)ကျပ်နှင့် လက်လီ(၂၅၀၀/-)ကျပ်ဖြင့် ရောင်းဝယ်ဖောက် ကားမှုရှိပြီး ယခင်လနှင့် ယခုလ ဈေးနှုန်းနှိုင်းယှဉ်ပါ ဈေးနှုန်းအနည်းငယ်ကျဆင်းသွားကြောင်း လေ့လာသိရှိရပါသည်။

         လွိုင်ကော်မြို့အတွင်း လက်ရှိဖြစ်ပေါ်နေသော (မိုး) စပါးဈေးနှုန်းမှာအနည်းငယ်ကျဆင်း လျက်ရှိပါသည်။ နိုဝင်ဘာလ ဒုတိယပတ်တွင် ဧည့်မထ စပါး ၄၆ ပေါင် တင်း (၁၀၀) လျှင် (၇၄၁,၂၄၀)ကျပ်ဖြစ်၍ ဒီဇင်ဘာလ ဒုတိယပတ်တွင် ဧည့်မထ စပါး ၄၆ ပေါင်တင်း (၁၀၀) လျှင် (၇၀၂,၉၀၀) ကျပ်သို့ ဈေးနှုန်းကျဆင်းလာပြီး ယခင်လနှင့် ယခုလ နှိုင်းယှဉ်မည်ဆိုလျှင် (၃၈,၃၄၀) ကျပ် ကွာဟလျက်ရှိပြီး ပြည်နယ်အတွင်းမှာလည်း အရောင်းအဝယ်အေးနေကြောင်း၊  စပါး ဈေးနှုန်း အနည်းငယ်ကျဆင်းရခြင်းမှာ ပြည်တွင်းတွင် (မန္တလေး၊ မူဆယ်)ဘက်မှ ဆန်ဝယ်ယူမှုလျော့နည်းခြင်းကြောင့်ဖြစ်ကြောင်း  စက်ပိုင်ရှင်တစ်ဦးထံမှသိရပါသည်။

         ဧည့်မထဆန် ဈေးနှုန်းမှာ နိုဝင်ဘာလ ဒုတိယပတ်တွင် ဆန် တစ်အိတ်လျှင် (၃၇,၀၀၀)ကျပ်ဖြစ်ပြီး၊ ဒီဇင်ဘာလ ဒုတိယပတ် တွင်လည်း ဆန်တစ်အိတ်လျှင် (၃၇၀၀၀)ကျပ်ဖြင့်သာ ရောင်းချလျက်ရှိကြောင်း၊ ဒေသဆန်ဧည့်မထကို မန္တလေးမြို့သို့ အများဆုံး တင်ပို့ရာ ယခုကာလတွင် Covid-19 အသက်ရှုလမ်းကြောင်းဆိုင်ရာ ရောဂါနှင့် ပတ်သက်၍ တင်ပို့မှု လျော့နည်းနေခြင်းကြောင့် ဆန်ဈေးနှုန်းမှာလည်း ဆက်လက်တည်ငြိမ်လျက်ရှိကြောင်း သိရှိရပါသည်။

စားသုံးသူရေးရာဦးစီးဌာန(ကယားပြည်နယ်)

မကွေးမြို့၌ ၂၀၂၁ ခုနှစ်၊ ဒီဇင်ဘာလ (၈)ရက်နေ့မှ (၁၃)ရက်နေ့အထိ ကောက်ယူရရှိသော ဈေးနှုန်းစာရင်းများမှာ လက်လီရောင်းချမှုအနေဖြင့် ပေါ်ဆန်းဆန်(ရွှေဘို) တစ်ပြည်လျှင်(၂၆၀ဝိ/-)၊ ပေါ်ဆန်းဆန်(ဖျာပုံ) တစ်ပြည် လျှင်(၂၀၀ဝိ/-)၊ ဧည့်မထဆန် တစ်ပြည်လျှင်(၁၄၅ဝိ/-)၊ ရောင်းချလျှက်ရှိပြီး စားသုံးဆီများအနေဖြင့် ပဲဆီ တစ်ပိဿာ(၆၅၀ဝိ/-)၊ နှမ်းဆီတစ်ပိဿာ(၇၀၀ဝိ/-)၊ စားအုန်းဆီတစ်ပိဿာ (၄၆၀ဝိ/-)၊ စားဖိုဆောင်သုံးအနေဖြင့် ငရုပ်သီးခြောက်အရှည် တစ်ပိသာ(၃၉၀ဝိ/-)၊ ငရုပ်သီးခြောက်အပု တစ်ပိဿာ(၅၀၀ဝိ/-)၊ ကြက် သွန်နီ တစ်ပိဿာ(၈၀ဝိ/-)၊ ကြက်သွန်ဖြူ(ရှမ်း/ဗမာ) တစ်ပိဿာ(၅၀၀ဝိ/-)၊ ကြက်သွန်ဖြူ(ကြူကုတ်) တစ်ပိဿာ(၅၀၀ဝိ/-)၊ နနွင်းတက်တစ်ပိဿာ(၃၅၀ဝိ/-)၊ ဂျင်း တစ်ပိဿာ (၂၆၀ဝိ/-)၊ ဆားတစ်ပိဿာ (၅၀ဝိ/-)၊ မန်ကျည်းသီးမှည့် တစ်ပိဿာ(၃၈၀ဝိ/-)၊ မြေပဲဆံ တစ်ပိဿာ (၃၂၀ဝိ/-)၊ ကုလားပဲခြမ်းတစ်ပိဿာ(၃၅၀ဝိ/-)၊ အားလူးတစ်ပိဿာ(၂၀၀ဝိ/-)၊ သကြား တစ်ပိဿာ (၂၂၀ဝိ/-)၊ အသား/ငါးအနေဖြင့် စီပီကြက်တစ်ပိဿာ(၆၀၀ဝိ/-)၊ ဗမာကြက်တစ်ပိဿာ(၁၄၀၀ဝိ/-)၊ ဝက် သားတစ်ပိဿာ(၁၄၀၀ဝိ/-)၊ အမဲသားတစ်ပိဿာ(၁၆၀၀ဝိ/-)၊ ဆိတ်သားတစ်ပိဿာ(၂၀၀၀ဝိ/-)၊ ငါးမြစ်ချင်းတစ်ပိဿာ(၄၅၀ဝိ/-)၊ ကန်စွမ်းရွက်တစ်စီး(၁၀ဝိ/-)၊ ပဲတောင့်ရှည်တစ်စီး(၂၀ဝိ/-)၊ ခရမ်းချဉ်းသီး တစ်ပိဿာ(၃၀၀ဝိ/-)၊ ဂေါ်ဖီထုတ်တစ်ထုပ်(၆၀ဝိ/-)၊ ပန်းဂေါ်ဖီတစ်ပွင့်(၇၀ဝိ/-)၊ ဘဲဥတစ်လုံး(၁၈ဝိ/-)၊ ကြက်ဥတစ်လုံး(၁၆ဝိ/-)၊ စက်သုံးဆီ အနေဖြင့် ဓါတ်ဆီတစ်ဂါလံ(၅၉၈၅/-)၊ ဒီဇယ်ဆီတစ်ဂါလံ(၅၈၉၅/-)၊ ၁၆ပဲရည် ရွှေတစ်ကျပ်သား (၁၇၈၇၀၀ဝိ/-)၊ ၁၅ပဲရည်ရွှေ တစ်ကျပ်သားလျှင် (၁၆၈၀၀၀ဝိ/-)၊ ၁၄ပဲရည်ရွှေ တစ်ကျပ်သားလျှင် (၁၆၆၀၀၀ဝိ/-)ရောင်းချလျှက်ရှိပြီး ဒီဇင်ဘာလပထမပတ်ဈေးနှုန်းနှင့်နှိုင်းယှဉ်ချက်အရ ကြက်သွန်ဖြူ (ကြူ/ကုတ်)တစ်ပိဿာလျှင် (၂၀ဝိ/-)ကျပ်၊ ခရမ်းချဉ်သီးတစ်ပိဿာလျှင်(၂၀ဝိ/-) ဈေးနှုန်း အနည်းငယ်မြင့်တက်လျှက်ရှိပြီး ခရမ်းချဉ်သီးဈေးနှုန်းမြင့်တက်ရခြင်းမှာ ပြီးခဲ့သည့်စက်တင်ဘာလ အတွင်း က မိုးရွာသွန်းမှုများပြားသည့်အတွက် ခရမ်းချဉ်ပင်များမှာ အပွင့်အကြွေများသွားသည့်အတွက် အထွက်နှုန်း ကျဆင်းခြင်းကြောင့်လည်းကောင်း၊ တောင်သူများသည် ခရမ်းချဉ်သီးစိုက်ဧကများကို လျော့ချ စိုက်ပျိုး ခဲ့ခြင်းကြောင့်လည်းကောင်း၊ သွင်းအားစုဈေးများသည် နှစ်ဆထိမြင့်တက်နေသောကြောင့်လည်းကောင်း၊ ဈေးနှုန်းများမြင့်တက်ရခြင်းဖြစ်ပါသည်။ စက်သုံးဆီအနေဖြင့် ဓါတ်ဆီတစ်ဂါလံ (၉ဝိ/-)၊ ဒီဇယ်တစ်ဂါလံ (၉ဝိ/-)နှုန်းဖြင့် ဈေးအနည်းငယ်မြင့်တက်လျှက်ရှိပြီး ၁၆ ပဲရည်ရွှေတစ်ကျပ်သားလျှင် (၂၀၀၀ဝိ/-)၊ ၁၅ ပဲရည်ရွှေတစ်ကျပ်သားလျှင် (၁၇၀၀ဝိ/-)၊ ၁၄ ပဲရည်ရွှေတစ်ကျပ်သားလျှင် (၁၇၀၀ဝိ/-)နှုန်းဖြင့် ဈေးနှုန်းများ အနည်းငယ်မြင့်တက်လျှက်ရှိပြီး ဒေါ်လာဈေးအတက်အကျပေါ်မူတည်၍ ပြောင်းလဲလျက်ရှိပါသည်။
စားဖိုဆောင်သီးနှံများကို မကွေးမြို့တစ်မြို့လုံးသို့ လက်လီ/ကား ဖြန့်ဝေပေးနေသည့် အရောင်းဆိုင်ကြီးဖြစ်သော ဦးစံကြည်ပွဲရုံ၊ ဦးထွန်းလှမောင် ပွဲရုံတို့မှလည်းကောင်း၊ အသားငါးဈေးနှုန်းများကို မကွေးမြို့ပေါ်ရှိ စည်ပင်သာယာဈေးများမှ လည်းကောင်း၊ ရွှေဈေးနှုန်းများကို ခေတ်ဆန်းရွှေဆိုင်မှ လည်းကောင်း၊ ဓါတ်ဆီ/ ဒီဇယ်ဆီဈေးနှုန်းများကို မကွေးမြို့ပေါ်ရှိ ဆယ်စုသစ်၊ Denko ဆီအရောင်း ဆိုင်များမှလည်းကောင်း၊ ဆန်ဈေးနှုန်းများကို မကွေး ကုန်စည်ဒိုင်မှလည်းကောင်း၊ စားသုံးဆီဈေးနှုန်းများကို မကွေးမြို့ပေါ် စည်ပင်သာယာဈေးများရှိ ဆီအရောင်း ဆိုင်များ၊ ဆီကုန်သည်ကြီးများအသင်းနှင့် ဆီစက်လုပ်ငန်းရှင်များ အသင်းတို့မှလည်းကောင်း နေ့စဉ်ကောက်ယူလျှက်ရှိပြီး ကိုဗစ်-၁၉ကာလအတွင်း စီးပွားရေးလုပ်ငန်းရှင်များဘက်မှ ဈေးနှုန်းမြှင့်တင်ရောင်းချမှုမရှိစေရေး၊ စားသုံးသူပြည်သူများအနေဖြင့်လည်း ဈေးနှုန်းမှန်ကန်စွာဖြင့် ဝယ်ယူစားသုံးနိုင်ရေးရည်ရွယ်၍ မကွေးတိုင်း ဒေသကြီး၊ စားသုံးသူရေးရာဦးစီးဌာနမှ နေ့စဉ်ကုန်ဈေးနှုန်းစာရင်းများ ကောက်ယူလျက်ရှိကြောင်း သတင်းရရှိပါသည်။
စားသုံးသူရေးရာဦးစီးဌာန(မကွေးတိုင်းဒေသကြီး)

တာချီလိတ်ကုန်သွယ်ရေးစခန်းနှင့် ကျိုင်းတုံ ပို့ကုန်/သွင်းကုန်ရုံး၏ ၂၀၂၁ခုနှစ် အောက်တိုဘာလအတွင်း ကုန်သွယ်မှုအနေဖြင့် တာချီလိတ်နယ်စပ်(မယ်ယန်း) ကုန်သွယ်ရေးစခန်းမှတဆင့် ကြက်သွန်ဖြူ၊ လက်ဖက်ခြောက်၊ တံမြက်စည်း၊ ကော်ဖီစေ့၊ ထောပတ်သီး၊ နှမ်းမည်းစေ့၊ ဆန်၊ ကြက်သွန်နီ၊ ဘူးခွံ၊ ပလက်စတစ်ပုလင်း၊ ကတ်ထူပြား၊ ပျဉ်ပြား၊ ကျွန်းသစ်များ၊ သစ်ခွဲသားများ၊ ဒီဇယ်ဆီ၊ မော်တာဓာတ်ဆီ၊ ဘိလပ်မြေ၊ အဝတ်လျှော်ဆပ်ပြာမှုန့်၊ အချိုမှုန့်၊ မီးအုတ်၊ နေကြာစေ့၊ သံချောင်း၊ Tolite Tissue paper ၊ ပဲပုတ်၊ Activated Carbon ၊ ကွန်ကရစ်သွပ်မိုး၊ကြွေထည်ပစ္စည်း၊ ဖိုင်ဘာဘုတ်ပြား၊ သန့်စင်ပြီးပဲပုပ်ဆီ၊ Two Wheels ထွန်စက်၊ ကွန်ကရစ်တိုင် စသည့်ပစ္စည်းများ တင်သွင်းခဲ့ပါသည်။ ကျိုင်းတုံမြို့မှ သွင်းကုန်များအနေဖြင့် ဆီစိမ်စက္ကူ၊ သစ်တော်သီး၊ ပန်းသီး၊ ရေမြှုပ်၊ ဘက်ထရီ၊ LED video wall နှင့် ဆက်စပ်ပစ္စည်းများ၊ ကောဖတ်ပြား၊ မီးဖိုချောင်သုံး အလေးချိန်စက်၊ ကလေးဝတ်အနွေးဦးထုပ်၊ Monosodium Glutamate ပါဝင်သော အစားအစာများ၊ PVC တံခါး၊ မှန်ချပ်၊ PVC ပိုက်၊ အောက်ဆီဂျင်စက်အစုံ စသည့်ပစ္စည်းများဖြစ်ပြီး နှမ်းမည်းစေ့ တန် (၆၀) အား တင်ပို့နိုင်ခဲပါသည်။
၂၀၂၁ခုနှစ် အောက်တိုဘာလအတွင်း ကျိုင်းတုံ ပို့ကုန်/သွင်းကုန်ရုံးနှင့် တာချီလိတ်ကုန်သွယ်ရေးစခန်း(မယ်ယန်း) ပို့ကုန်/သွင်းကုန်ရုံးတို့၏ ကုန်သွယ်မှုပမာဏသည် ယခင်လထက် လျော့နည်းခဲ့ကြောင်း တာချီလိတ်ကုန်သွယ်ရေးစခန်းမှ သတင်းရရှိပါသည်။
စားသုံးသူရေးရာဦးစီးဌာန(ရှမ်းပြည်နယ်)