ပြည်တွင်းကုန်သွယ်မှုသတင်း

      မုံရွာမြို့၊ ချင်းတွင်းရတနာစျေး၌ရောင်းချနေသော ပုစွန်ခြောက်၊ ငါးခြောက်များမှာ ရန်ကုန်၊ မန္တလေးနှင့် ရခိုင်ပြည်နယ်ဘက်တို့မှ ဝင်ရောက်ကြောင်းသိရပါသည်။ ပုစွန်၊ ငါးခြောက်စျေးနှုန်းများမှာ ဝင်ရောက်သည့်ဒေသအ‌ပေါ်မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

     ၂၀၂၃ခုနှစ်၊ အောက်တိုဘာလ စတုတ္ထအပတ်တွင်ရောင်းချနေသောဈေးနှုန်းများမှာ ပုစွန်ခြောက် (၁)ပိဿာလျှင် ကျပ်(၆၅၀၀၀) မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၆၀၀၀၀မှ ၈၀၀၀၀)၊ ငါးပုတ်လုံးခြောက်(၁)ပိဿာလျှင် ကျပ်(၁၆၀၀၀မှ ၁၈၅၀၀)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၈၀၀၀)၊ အာဗြဲခြောက်(၁)ပိဿာလျှင် ကျပ်(၁၅၀၀၀မှ ၂၂၀၀၀)၊ ငါးကျည်းခြောက်(၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူခြောက် (၁)ပိဿာလျှင် ကျပ်(၁၂၀၀၀မှ ၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀)ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှသိရပါသည်။

DOCA(စစ်ကိုင်း)

     မြန်မာနိုင်ငံစက်သုံးဆီတင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းတို့ကို နေ့စဉ်ထုတ်ပြန်ပေးလျက်ရှိပါသည်။

   မုံရွာမြိုတွင် စက်သုံးဆီဆိုင် (၂၇)ဆိုင်ပုံမှန်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ အောက်တိုဘာလ တတိယအပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၀၇၀) ကျပ်၊ ဓာတ်ဆီ (95) တစ်လီတာလျှင် (၂၁၇၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၃၂၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၄၃၅) ကျပ်ဖြင့်ရောင်းချလျက်ရှိကြောင်းသိရသည်။

   ယခုအောက်တိုဘာလ စတုတ္ထအပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၁၂၀) ကျပ်၊ ဓာတ်ဆီ (95) တစ်လီတာလျှင် (၂၂၁၅)ကျပ်၊ ဒီဇယ်(ရိုးရိုး) တစ်လီတာလျှင် (၂၃၇၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၄၈၅) ကျပ်ဖြင့်ရောင်းချနေသောကြောင့် ယခင်အောက်တိုဘာလ တတိယအပတ်နှင့်နှိုင်းယှဉ်ပါက ဓာတ်ဆီ(92) တစ်လီတာလျှင် (၅၀)ကျပ်၊  ဓာတ်ဆီ(95) တစ်လီတာလျှင် (၄၅)ကျပ်၊ ဒီဇယ်(ရိုးရိုး)တစ်လီတာလျှင် (၅၀)ကျပ်၊ ဒီဇယ် (ပရီမီယမ်) တစ်လီတာလျှင် (၅၀) ကျပ်ဖြင့် ဈေးနှုန်းအသီးသီးမြင့်တက်လျက်ရှိကြောင်း စက်သုံးဆီဆိုင်များမှ သတင်းရရှိပါသည်။

DOCA(စစ်ကိုင်း)

   ဒေသအခေါ် ကလားဝါးဥ (ခေါ်)ဝါးဥကို နေရာအနှံ့အပြားတွင် စိုက်ပျိုးနိုင်သော်လည်း ဖြစ်ထွန်းမှု အားကောင်းပြီး ဥချောချောရရန် တူးရလွယ်ကူသော သဲနုန်းမြေဆွေးမြေမွများတွင်သာ စီးပွားဖြစ် စိုက်ပျိုးကြပါသည်။ ပဲခူးတိုင်းဒေသကြီး၊ သဲကုန်းမြို့နယ်တွင် ဧကလိုက်စိုက်ပျိုးခြင်းမရှိဘဲ တပိုင်တနိုင်သာစိုက်ပျိုးကြပါသည်။ ဝါးဥပင်သည် ချဉ်ဖတ်ပြုလုပ်ရာတွင်ပါဝင်သော သရက်   ကင်းပင်နှင့်ပုံသဏ္ဍာန်တူပါသည်။ ရေဓာတ်ကိုကြာရှည်စွာ ထိန်သိမ်းထားနိုင်သောကြောင့် အသက်ပြင်းသောအပင်အမျိုးအစားဖြစ်ပါသည်။

    ဝါးဥပင်ကို စိုက်ပျိုးရာတွင်လည်း တကူးတက စိုက်ပျိုးစရာမလိုဘဲ ဝါးဥကိုတူးဖော်စဉ်ကပင် အပင်တက်ထွက်ရာ ဝါးဥ၏အမြီးပိုင်းကို လက်တဆစ်ခန့်ချိုး၍ တူးယူသောကျင်း၌ပင် ပြန်လည်မြေဖို့၍ စိုက်ပျိုးခဲ့ခြင်းဖြစ်ပြီးနောင်နှစ် မိုးဦးကျမှသာ အပင်တက်များပြန်လည်ထွက်ပေါ်လာခြင်းဖြစ်ပါသည် ။ အပင်အမြင့်မှာ (၃-၄)ပေခန့်အမြင့်ရှိပြီး မိုးအကုန်တူးဖော်ရာတွင် တစ်ပင်ကိုဥပွားများ  (၃-၄) ဥ ပြန်လည်ထွက်ရှိပါသည်။ယခုလိုအချိန် အောက်တိုဘာလ ဝါးဥရာသီပေါ်ချိန်တွင်ဒေသပေါက်ဈေး မှာ တစ်ပိဿာ (၃၀၀၀)ကျပ်ပေါက်ဈေးရှိပါသည်။

   ဝါးဥသည်အထိအခိုက် အထားခံ၍ သယ်ဆောင်ရလွယ်ကူသောကြောင့် ဒေသမရွေး ဝယ်ယူရရှိနိုင်ပါသည်။ စိမ့်သောအရသာရှိ၍ စားလို့ကောင်းသော ဝါးဥကိုပြုတ် ပါးပါးလှီး နှမ်းကြက်သွန် ကြော်အနည်းငယ်ထည့်၍ ဆီဆမ်းဆားဖြူးကာ သရေစာအဖြစ်စားသုံးနိုင်သလို  အစိမ်းကိုပါးပါးလှီးထောင်းပြီး ကြော်ပါက  ဟင်းတစ်မယ်အဖြစ် ထမင်းနှင့် တွဲဖက်စားသုံးနိုင်သော အကုန်အကျလည်း သက်သာ၊ ဓာတုဆေးဝါးလည်းကင်းလွတ်သော အော်ဂဲနစ်သီးနှံလည်းဖြစ်၍ ရာသီပေါ် ကလားဝါးဥ (ခေါ်) ဝါးဥကိုစာသုံးသင့်ပါကြောင်း ရေးသားလိုက်ရပါသည်။

DOCA(ပဲခူး)

     မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်၌ ဆီထွက်သီးနှံ(မိုးမြေပဲ)များကို နှစ်စဉ် စိုက်ဧက(၃၀၀၀)ခန့်၊ ဇွန်လနှင့် ဇူလိုင်လတွင် စိုက်ပျိုးပြီး စက်တင်ဘာလနှင့်အောက်တိုဘာလ များတွင် မြေပဲများ လှိုင်လှိုင်တူးဖော်လျက်ရှိသော်လည်း မြေပဲဈေးကွက်ကျဆင်း၍ အရောင်းအဝယ် အေးနေကြောင်း သိရှိရပါသည်။ ဆိပ်ဖြူမြို့နယ် ဒေသတွင်းထွက်ရှိသည့် မြေပဲများကို မြို့ပေါ်ရှိ ဆီစက်များမှ  အတောင့်(အခြောက်) တစ်ပြည်လျှင် ကျပ်(၃၀၀၀)၊ တစ်တင်းလျှင် ကျပ်(၂၄၀၀၀) ဖြင့် ဈေးနှုန်းပေါက်လျက်ရှိသည်။  မြေပဲဆန်(လုံးဆန်)တစ်ပြည်လျှင် ကျပ် (၇၀၀၀)၊ အဆန်တစ်ဘူးလျှင် ကျပ်(၉၀၀)၊ မြေပဲ(ဆီဆန်)တစ်ပြည်လျှင် ကျပ်(၅၅၀၀/ ၅၆၀၀)ဈေးနှုန်း ပေါက်လျက်ရှိပြီး ပဲဆီ(စက်) တစ်ပိဿာလျှင် ကျပ်(၁၄၀၀၀)၊ ပဲအကျဆီ တစ်ပိဿာလျှင် ကျပ်(၁၁၀၀၀)ဈေးနှုန်းဖြင့် ရောင်းချလျက်ရှိသည်။

     မြေပဲဆီများကို ဒေသတွင်းစားသုံးရန်သာမက ရန်ကုန်၊ နေပြည်တော်မြို့များသို့ တင်ပို့လျက်ရှိပြီး ပဲဖတ်များကိုလည်း ဆင်ဖြူကျွန်းမြို့သို့ တစ်ပိဿာလျှင် ကျပ်(၂၃၀၀)ဈေးနှုန်းဖြင့် အများဆုံး တင်ပို့ကြောင်း မြို့ပေါ်ရှိဆီစက်ပိုင်ရှင်တစ်ဦးထံမှ သိရှိရပါသည်။

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့မဈေးကြီးတွင် သီးနှံမျိုးစုံ စိုက်ပျိုးထွက်ရှိသော ပခုက္ကူ၊ မုံရွာ၊ မန္တလေးမြို့နှင့် ရေစကြိုမြို့ရှိ ကျေးရွာများဖြစ်သော ညောင်တော၊ ကူတုတ်ရွာမှ သီးနှံအများဆုံး   ဝင်ရောက်ရောင်းဝယ်ဖောက်ကားလျက်ရှိပါသည်။

   ၂၀၂၃ခုနှစ်၊အောက်ဘာလ(တတိယအပတ်)တွင် ရေစကြိုမြို့မဈေးအတွင်း အရောင်းအဝယ်ဖြစ်လျက်ရှိသော အခြေခံစားကုန်ဈေးနှုန်းများမှာ ပဲရောဆီ တစ်ပိဿာလျှင်ကျပ်(၉၃၀၀)၊ ဆုံဆီ တစ်ပိဿာလျှင် ကျပ်(၁၄၀၀၀)၊ ခရမ်းချဉ်သီး(အင်းသီး) တစ်ပိဿာလျှင် ကျပ်(၁၈၀၀ မှ၂၀၀၀)၊ ခရမ်းသီး တစ်ပိဿာလျှင် ကျပ်(၂၂၀၀ မှ၂၄၀၀)၊ အာလူး တစ်ပိဿာလျှင် ကျပ် (၂၂၀၀ မှ ၂၄၀၀)၊ မျှစ်(တောင်ရိုး) တစ်ပိဿာလျှင် ကျပ် (၂၃၀၀ မှ၂၅၀၀)၊  ငရုတ်သီးစိမ်း တစ်ပိဿာလျှင် ကျပ် (၂၀၀၀ မှ ၂၂၀၀)၊ ဆင်ခြေယာငရုတ်သီးခြောက်တစ်ပြည်လျှင် ကျပ်(၂၅၀၀ မှ ၂၆၀၀)၊ ကြက်သွန်နီ တစ်ပိဿာလျှင်ကျပ် (၂၅၀၀ မှ ၂၇၀၀)၊ ကြက်သွန်ဖြူ တစ်ပိဿာလျှင် ကျပ် (၉၀၀၀ မှ ၉၅၀၀)၊ ဂျင်းတက် တစ်ပိဿာလျှင် ကျပ် (၄၀၀၀ မှ၄၂၀၀ )၊ ကြက်ဟင်းခါးသီး တစ်ပိဿာလျှင် ကျပ် (၁၈၀၀ မှ ၂၀၀၀)၊ ရုံးပတီသီး တစ်ပိဿာလျှင် ကျပ်(၂၀၀၀ မှ ၂၂၀၀)၊ မေမြို့ပဲသီး(အပြား) တစ်ပိဿာလျှင် ကျပ် (၄၅၀၀မှ ၄၇၀၀)၊ ပဲတောင့်ရှည် တစ်ပိဿာလျှင် ကျပ်(၂၅၀၀မှ ၂၇၀၀)၊ ဂေါ်ရခါးသီး တစ်လုံးလျှင် ကျပ် (၁၇၀မှ ၂၀၀)၊ မုန်လာထုပ် တစ်ထုပ်လျှင် ကျပ် (၁၂၀၀မှ ၁၃၀၀)၊ ခါကြက်ဥ(ထိုင်ဝမ်) တစ်ပိဿာလျှင် ကျပ်(၂၅၀၀မှ ၂၇၀၀)၊ ကန်စွန်းရွက် တစ်စည်းလျှင် ကျပ် (၄၀)၊ ချဉ်ပေါင်ရွက် တစ်စည်းလျှင် ကျပ်(၄၀)၊ ဘူးရွက် တစ်စည်းလျှင် ကျပ် (၈၀)၊ နံနံပင် တစ်စည်းလျှင် ကျပ်(၈၀)၊ သံပုရာသီး တစ်လုံးလျှင် ကျပ်(၂၀၀)၊ ပိန်းဥ တစ်ပိဿာလျှင် ကျပ်(၂၅၀၀)၊ မန်ကျည်းသီးမှည့် အစေ့လွတ် တစ်ပိဿာလျှင် ကျပ်(၃၀၀၀ မှ ၃၂၀၀)၊ မြေပဲဆန် တစ်ပြည်လျှင်ကျပ် (၇၀၀၀)၊ ကုလားပဲခြမ်း(အနီဆန်) တစ်ပြည်လျှင် ကျပ် (၈၁၀၀)၊ ကုလားပဲခြမ်း(အဖြူဆန်) တစ်ပြည်လျှင် ကျပ်(၇၇၀၀)၊ ဆား တစ်ပိဿာလျှင်ကျပ် (၆၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း ရေစကြိုမြို့မဈေးအတွင်းရှိ ရောင်းချသူဈေးသည်များထံမှ သိရှိရပါသည်။

DOCA(မကွေး)