သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ကရင်ပြည်နယ်ဦးစီးမှူးရုံးမှ ဦးမျိုးဝင်းနိုင်(ဦးစီးအရာရှိ)နှင့် ဝန်ထမ်းများသည် ကရင်ပြည်နယ် အစားအသောက်နှင့် ဆေးဝါးကွပ်ကဲရေးဦးစီးဌာနနှင့်ပေါင်းစပ်၍ ၂၄-၁၀-၂၀၂၃ ရက်နေ့၊ နံနက်(၁၀:၀၀)နာရီအချိန်တွင် ဘားအံခရိုင် မီးသတ်ဦးစီးဌာနအစည်းအဝေးခန်းမတွင် မီးသတ်ဦးစီးဌာနဝန်ထမ်းများနှင့် ဝန်ထမ်းမိသားစုများ စုစုပေါင်း (၂၅)ဦးတို့ကို စားသုံးသူကာကွယ်ရေးဆိုင်ရာ အသိပညာများ၊ အစားအသောက်နှင့် ဆေးဝါးအကြောင်း သိကောင်းစရာများကို ဆွေးနွေးခဲ့ကြောင်း သိရသည်။

    တရားဝင်တင်သွင်းခွင့် အထောက်အထားတင်ပြနိုင်ခြင်းမရှိသောကြောင့် သံလွင်တံတားစစ်ဆေးရေးဂိတ်တွင် ဖမ်းဆီး၍ အမှုဖွင့်ထားသော ကုန်စည်များမှ ပုပ်သိုးပျက်စီးလွယ်သော အသားလုံး အသားတုများအား အကောက်ခွန်ဦးစီးဌာန၊ စည်ပင်သာယာရေးဦးစီးဌာန၊ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေးဦးစီးဌာနတို့ ပါဝင်သောအဖွဲ့စုံဖြင့် ဘားအံမြို့ ထန်းကိုးပင် သုဿာန်တွင် ဖျက်ဆီး ဆောင်ရွက်ခဲ့ကြောင်း သိရသည်။