သတင်းနှင့် လှုပ်ရှားမှုများ
တောင်ငူခရိုင်၊ အုတ်တွင်းမြို့နယ်၊ မြေစီးကျေးရွာအုပ်စုမှ တောင်သူဦးလူအေး၏ခြံတွင် ဖီးကြမ်းငှက်ပျောသီးများကို အပျော်တမ်းစိုက်ပျိုးရာမှ အောင်မြင်ဖြစ်ထွန်းလျှက်ရှိရာ ယခုအခါ ၄ ဧက အထိ စိုက်ပျိုးပြီးဖြစ်ပါသည်။ ကြားညှပ်အနေဖြင့် အုန်းစိမ်းနှင့် အုန်းညိုပန်းများကို စိုက်ပျိုး ထားပါသည်။
ပဲခူးတိုင်းဒေသကြီး ၊စားသုံးသူရေးရာဦးစီးဌာန၊ တောင်ငူခရိုင်၊ စားသုံး/ထုတ်လုံတာဝန်ခံ ဦးမင်းဇော်၊ တောင်ငူမြို့နယ်တာဝန်ခံ ဦးမြင့်သူနှင့်အဖွဲ့သည် ဇူလိုင်လ ၁၄ ရက်နေ့ နံနက်ပိုင်းက တောင်ငူ မြို့နယ်တွင် ရောင်းချလျှက်ရှိသော အမှတ်တံဆိပ်ပါစားသုံးဆီများ၌ ကုန်အညွှန်း အမှတ်အသားများ ပြည့်စုံစွာ ဖေါ်ပြထားခြင်းရှိ/မရှိကို စျေးကွက်စောင့်ကြည့်စစ်ဆေးခဲ့ပါသည်။
ပဲခူးတိုင်းဒေသကြီး ၊စားသုံးသူရေးရာဦးစီးဌာန၊ အုတ်တွင်းမြို့နယ်တာဝန်ခံ ဒေါ်အေးအေးခိုင်နှင့် ဝန်ထမ်းများ သည် အုတ်တွင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယမြို့နယ်ဦးစီးမှူး ဒေါ်ခင်ခင်မာ ဦးဆောင်သော ဝန်ထမ်းများနှင့်ပူးပေါင်း၍ ဇူလိုင်လ ၁၄ ရက်နေ့ နံနက်ပိုင်းက အုတ်တွင်း မြို့နယ် ကြို့ကုန်း အခြေခံပညာမူလတန်းလွန်ကျောင်းတွင် ကျောင်းသားကျောင်းသူများ သိသင့်သိထိုက်သော အသိပညာ ဗဟုသုတများ ရရှိစေရန်အတွက် အသိပညာပေးဟောပြောပွဲကို ပြုလုပ်ခဲ့ပါသည်။
ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင်၊ ပေါင်းတည်မြို့နယ်တာဝန်ခံနှင့် ဝန်ထမ်းများသည် (၁၃.၇.၂၀၂၂) နံနက် (၁၁:၀၀)နာရီတွင် ပေါင်းတည်မြို့ ၊ ဆင်လူးကျေးရွာအုပ်စု၊ ရုံးလှကျေးရွာရှိ ဘုန်းတော်ကြီးကျောင်းတွင် စိုက်ပျိုးရေး၊ မွေးမြူရေး၊ ကုန်ထုတ်လုပ်မှု တိုးတက် မြင့်မားရေး ဆွေးနွေးပွဲကျင်းပပြုလုပ်ခဲ့ပါသည်။
ပဲခူးတိုင်းဒေသကြီး၊ ပြည်ခရိုင်၊ စားသုံးသူရေးရာဦးစီးဌာန၊ ပန်းတောင်းမြို့နယ်တာဝန်ခံနှင့် အဖွဲ့သည် (၁၃.၇.၂၀၂၂)ရက်နေ့ နံနက်ပိုင်းတွင် တလုပ်ပင်အုပ်စု၊ ကျွဲရဲကျေးရွာတွင် တစ်ကြိမ်၊ နေ့လယ်ပိုင်းတွင် ရေကျော်အုပ်စု၊ လယ်တီကျေးရွာတွင်တစ်ကြိမ် စားသုံးသူအသိပညာပေး ဆွေးနွေးပွဲပြုလုပ်ခဲ့ပါသည်။
