သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင် ညောင်တုန်းမြို့ နယ်ဦးစီးမှူးရုံးနှင့် မအူပင်ခရိုင်၊ ညောင်တုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန တို့ ပူးပေါင်း၍ မြို့နယ်ပြန်ကြားရေးနှင့် ပြည်သူ့ဆက်ဆံရေး Communit Center ခန်းမ၌ စားသုံးသူအသိပညာပေး Talk Showကို ဇူလိုင်လ ၂၅ ရက်နေ့ မွန်းလွဲ ၃နာရီက ကျင်းပပြု လုပ်ခဲ့ ကြပါသည်။
ဧရာဝတီတိုင်းဒေသကြီး ၊ဖျာပုံခရိုင် ၊စားသုံးသူရေးရာဦးစီးဌာနမှ ခရိုင်ဦးစီးမှူးဦးထွေးသိမ်းနှင့် မြို့နယ်တာတန်ခံဦးမင်းဇော်တို့က ဇူလိုင်လ(၂၇)ရက်နေ့၊ နေ့လယ်(၁၆:၀၀) နာရီအချိန်တွင် ဖျာပုံမြို့နယ် စားသုံးဆီကုန်သည်နှင့်ဆီလုပ်ငန်းရှင်များအသင်း(ယာယီ)တို့အားခရိုင်ဦးစီးမှူးရုံးခန်း၌စားသုံး သူကာ ကွယ်ရေး အသိပညာပေးဟောပြောခဲ့ကြောင်းသိရသည်။
ဖျာပုံခရိုင်ဒေးဒရဲမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် ဇူလိုင်လ (၂၅)ရက်နေ့ နံနက်(၁၁:၀၀)နာရီအချိန်တွင် ဖြိုးငါးဒိုင်တွင် မြို့နယ်ငါးလုပ်ငန်းရှင်များအသင်း အတွင်းရေးမှူးဦးဇော်ဝင်းနှင့်တွေ့ဆုံ၍ အသင်း၏လက်ရှိဆောင်ရွက်နေမှုအခြေအနေ၊ ရှေိ့ဆက်လက် ဆောင်ရွက်မည့်အစီအစဉ်များ၊ လုပ်ငန်းဆောင်ရွက်ရာတွင် တွေ့ကြုံနေရသည့်အခက်အခဲများကို ဆွေးနွေးခဲ့ပါသည်။
ဖျာပုံခရိုင်၊ဒေးဒရဲမြို့နယ်၊ စားသုံးသူရေးရာဦးစီးဌာန၊ မြို့နယ်စစ်ဆေးရေးမှူးဦးသိန်းမောင် ဦးဆောင်၍ ဝန်ထမ်းများနှင့်အတူ ဇူလိုင်လ(၂၆)ရက်နေ့ နေ့လယ်(၁၁:၀၀)နာရီအချိန်တွင် ဒေးဒရဲမြို့ နယ် မြို့မဈေးအတွင်းအပြင်ရှိ ကုန်မျိုးစုံအရောင်းဆိုင်များတွင် စားသုံးသူကာကွယ်ရေးဥပဒေပုဒ်မ(၁၅) (ခ)စစ်ဆေးရေးအရာရှိ၏လုပ်ငန်းတာဝန်များအရ ဈေးကွက်အတွင်းရောင်းချလျက်ရှိသော ကုန်ပစ္စည်းများတွင် ကုန်အညွှန်းအမှတ်အသားများ ပြည်စုံစွာဖော်ပြထားမှုရှိ/မရှိဈေးကွက်စောင့်ကြည့်ကွင်းဆင်း စစ်ဆေးခဲ့ပါသည်။
မြန်မာနိုင်ငံအိမ်ခြံမြေ၀န်ဆောင်မှုအသင်း (ဧရာ၀တီတိုင်းဒေသကြီး)အသင်းခွဲ၏ နှစ်ပတ်လည် အစည်းအဝေးကို ဇူလိုင်လ ၂၅ ရက်နေ့ မွန်းတည့် ၁၂:၀၀ နာရီမှာ ကျင်းပပြုလုပ်ရာ အသင်းနာယကများ အပါအဝင် အသင်းဥက္ကဌ ဦးသန့်ဇင်၊ ဒုဥက္ကဌနှင့် အတွင်းရေးမှူး၊ အလုပ်အမှုဆောင်များနှင့် အသင်းသားအသစ်များ စုစုပေါင်း (၄၀)ဦးခန့် တက်ရောက်ခဲ့ကြောင်း သိရသည်။
