သတင်းနှင့် လှုပ်ရှားမှုများ

            ရှမ်းပြည်နယ်(မြောက်ပိုင်း)၊ လားရှိုးမြို့၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဝန်ထမ်းများနှင့် ရေနံထွက်ပစ္စည်းကြီးကြပ်စစ်ဆေးရေးအဖွဲ့နှင့်အတူ ဇွန်လ (၁၆၊၁၇) ရက်နေ့များတွင် မြို့နယ်စည်ပင်သာယာနယ်နမိတ်အတွင်းရှိ စက်သုံးဆီအရောင်းဆိုင်များအား စက်သုံးဆီချင်တွယ်ပြည့်ဝမှုရှိမရှိ၊ ရည်ညွှန်းဈေးအတိုင်း ရောင်းချနေမှုရှိမရှိနှင့် စက်သုံးဆီလက်ကျန်အခြေအနေများအား သွားရောက်ကွင်းဆင်းစစ်ဆေးဆောင်ရွက်ခဲ့ကြကြောင်း သိရှိရပါသည်။

          ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ သာယာဝတီခရိုင် ကြို့ပင်ကောက်မြို့နယ်တွင် (၆.၆.၂၀၂၂) နေ့နှင့် ၁၆.၆.၂၀၂၂ နေ့များ၌ ကျေးရွာအုပ်စု ၃ အုပ်စုမှ ကျေးရွာ ၃ ရွာရှိ ဘုန်းတော်ကြီးကျောင်းများတွင် စိုက်ပျိုးမွေးမြူရေး ကုန်ထုတ်လုပ်မှု သင်တန်းအား မြို့နယ်အုပ်ချုပ်ရေးမှူး ဦးဆောင်၍ ဌာနပေါင်းစုံ (၈) ဌာန ပူးပေါင်း၍ တောင်သူ (၁၁၀) ဦးအား ဒုဦးစီးမှူး ဒေါ်အေးအေးမွန်နှင့် ဝန်ထမ်းတစ်ဦးက စားသုံးသူကာကွယ်ရေး အသိပညာပေး ဟောပြောခဲ့ပါသည်။