သတင်းနှင့် လှုပ်ရှားမှုများ
(၂၀-၇-၂၀၂၂)နေ့ နံနက် (၉:၃၀)ခန့်အချိန်တွင် စစ်တွေမြို့နယ် တာဝန်ခံဦးဆောင်၍ ဝန်ထမ်းများပါဝင်သော အဖွဲ့သည် စစ်တွေမြို့ မြို့မဈေးကြီးအတွင်းသို့ သွားရောက်၍ ဈေးကွက် အတွင်းရှိ Mistine အလှကုန်ပစ္စည်းများတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြ ထားခြင်းရှိ/မရှိနှင့် FDA ၏ထောက်ခံချက်ဖြင့် ဖြန့်ဖြူးရောင်းချနေခြင်းဟုတ်/မဟုတ် ဈေးကွက်စိစစ် ဆောင်ရွက်ခဲ့ပါသည်။
နေပြည်တော်ကောင်စီ ဆီကုန်သည်နှင့်ဆီလုပ်ငန်းရှင်များအသင်းက နေပြည်တော်ကောင်စီ နယ်မြေအတွင်းရှိ စားသုံးသူပြည်သူများ စားသုံးဆီကိုသက်သာသည့် ဈေးနှုန်းဖြင့် ဝယ်ယူနိုင်ရန် ရည်ရွယ်၍ စားသုံးဆီတစ်ပိဿာလျှင် ငွေကျပ် ၃၉၀၀ နှုန်းဖြင့် ဖြန့်ဖြူးရောင်းချပေးလျက်ရှိသည်။
ဧရာဝတီတိုင်းဒေသကြီး၊ ဟင်္သာတခရိုင်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ဟင်္သာတမြို့၊ ဇလွန်မြို့၊ လေးမျက်နှာမြို့နယ်များနှင့် မြန်အောင်ခရိုင်ရှိ မြန်အောင်မြို့၊ အင်္ဂပူမြို့နယ်တို့တွင် စားသုံးသူကာကွယ်ရေးအသိပညာပေး Talk Show အစီအစဉ်များကို ပြုလုပ်ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၂ခုနှစ်၊ ဇူလိုင်(၂၁)ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း(၅)ဦးသည် လွိုင်ကော်မြို့၊ ဈေးပိုင်းရပ်ကွက်ရှိ ပြည်နယ်မီးသတ်ဦးစီးဌာန၌ မီးသတ်ဝန်ထမ်းနှင့် ဝန်ထမ်းမိသားစု စုစု ပေါင်း(၅၅)ဦးအား စားသုံးသူကာကွယ်ရေးအကြောင်း အသိပညာပေးဟောပြော ဆွေးနွေးခဲ့ပါသည်။
ရှမ်းပြည်နယ် ၊စားသုံးသူရေးရာကော်မတီ(၂/၂၀၂၂)အစည်းအဝေးကို ၂၀၂၂ ခုနှစ်၊ ဇူလိုင်လ (၁၄) ရက်၊ ကြာသပတေးနေ့၊ နေ့လယ် (၁၃:၀၀) နာရီအချိန်၌ ရှမ်းပြည်နယ်အစိုးရအဖွဲ့ ပြည်နယ် စီးပွားရေးရာဝန်ကြီးရုံးခန်းတွင် ကျင်းပပြုလုပ်ခဲ့ပါတယ်။
