ကုန်သွယ်မှုသတင်းများ
၂၀၂၆ ခုနှစ် နှစ်ဆန်းပိုင်းတွင် ထိုင်းနိုင်ငံသို့ ဗီယက်နမ်၏ ကော်ဖီတင်ပို့မှုမှာ တစ်ဟုန်ထိုး မြင့်တက်လာခဲ့ပါသည်။ အကြောင်းရင်းမှာ ကမ္ဘာ့ကော်ဖီစျေးနှုန်းများသည် ၂၀၂၆ ခုနှစ်၊ ဧပြီလ လယ်တွင် ကျဆင်းသွားသော်လည်း လှော်ထားပြီး ပြုပြင်ထုတ်လုပ်ထားသော ကော်ဖီထုတ်ကုန် များအပေါ် ဝယ်လိုအား မြင့်တက်လာမှုကြောင့် ဖြစ်ပါသည်။
အရှေ့တောင်အာရှမှ ဒူးရင်းစိုက်တောင်သူများသည် ယခုအခါ ထိုင်းနိုင်ငံ၊ လာအိုနိုင်ငံနှင့် တရုတ်နိုင်ငံ အနောက်တောင်ဘက်ပိုင်း ယူနန်ပြည်နယ်ကို ဆက်သွယ်ထားသည့် အအေးခန်း ရထားလမ်းဝန်ဆောင်မှုအသစ်ကို အသုံးပြု၍ ဒူးရင်းသီးများကို တရုတ်နိုင်ငံသို့ ယခင်ကထက် ပိုမို မြန်ဆန်စွာ တင်ပို့နိုင်ပြီဖြစ်ကြောင်း၊ ယင်းကဲ့သို့ဆောင်ရွက်နိုင်ခြင်းကြောင့် အနံ့ပြင်းသော ဒူးရင်း သီး၏ စျေးနှုန်းများ သိသိသာသာ ကျဆင်းသွားကြောင်း သိရှိရသည်။
အီရန်စစ်ပွဲကြောင့် အီရတ်နိုင်ငံသို့ ဆန်တင်ပို့မှုများ ရပ်တန့်သွားခြင်းနှင့် သယ်ယူပို့ဆောင် ရေးစရိတ်များ မြင့်တက်လာခြင်းတို့ကြောင့် ထိုင်းနိုင်ငံ၏ ဆန်တင်ပို့မှုသည် ရည်မှန်းထားသော တန်ချိန် ၇ သန်း ပြည့်မီရန် အခက်အခဲရှိနေသည်။
ရိုဘတ်စတာကော်ဖီနှင့် အသင့်သောက်ကော်ဖီများကို အဓိကအားဖြင့် အများအပြားတင်ပို့ လျက်ရှိခြင်းကြောင့်၂၀၂၆ ခုနှစ်၊ ဇန်နဝါရီလမှ ဧပြီလ အတွင်း အိန္ဒိယနိုင်ငံ၏ ကော်ဖီတင်ပို့မှုသည် တန်ချိန် ၁.၇၄ သန်း (၂၆.၆) ရာခိုင်နှုန်းအထိ မြင့်တက်လျက်ရှိကြောင်း အစိုးရထုတ်ပြန်သည့် အချက်အလက်များကဖော်ပြထားသည်။
အိန္ဒိယနိုင်ငံ၌ စိုက်ပျိုးရေးဝန်ကြီးဌာနသည် ၂၀၂၆ ခုနှစ် စိုက်ပျိုးရာသီအတွက် ကာနာ တကာ (Karnataka) ပြည်နယ်တွင် နေကြာစေ့ ၉၀၂၃ တန်ကို အနည်းဆုံး အာမခံဈေး (MSP) ဖြင့် ဝယ်ယူရန် အတည်ပြုလိုက်သည်။ ထို့အပြင် ဗဟိုအစိုးရသည် မဟာရဋ္ဌ (Maharashtra) ပြည်နယ် တွင် ၂၀၂၅-၂၆ စိုက်ပျိုးရာသီအတွက် ကုလားပဲ အများဆုံး ဝယ်ယူမည့် ပမာဏကိုလည်း ၈၁၉၈၈၂ မက်ထရစ်တန် အထိ တိုးမြှင့်ခဲ့သည်။ စိုက်ပျိုးရေးဝန်ကြီးဌာန၏ ထုတ်ပြန်ချက်အရ ဤ ဆုံးဖြတ်ချက
