ကုန်သွယ်မှုသတင်းများ
ပြည်ကုန်စည်ဒိုင်တွင်ရောင်းဝယ်လျက်ရှိသော ပဲမျိုးစုံဈေးနှုန်းကို နှိုင်းယှဉ်ကြည့်ခြင်းဖြင့် ပဲမျိုးစုံဈေးနှုန်း၊ ဈေးကွက်အခြေအနေကို သိရှိရပါသည်။
မတ်ပဲ
ပြည်ကုန်စည်ဒိုင်၏ ယခုနှစ်နောက်ဆုံးပတ် တွင် မတ်ပဲတစ်တင်းကို ၁၁၁၀၀၀-၁၁၁၅၀၀ကျပ်ဖြင့် ရန်ကုန်အဝယ်တစ်ရက်ကို အိတ် ၂၅၀ခန့်ရှိပါသည်။ ယခင်နှစ် ဒီဇင်ဘာလ နောက်ဆုံးပတ်တွင် မတ်ပဲတစ်တင်းကို ၉၅၀၀၀ကျပ်ဖြင့် ရန်ကုန်အဝယ်တစ်ရက်ကိုအိတ် ၂၀၀-၃၀၀ခန့်ရှိပါသည်။ ပဲတစ်တင်းကို ယခုနှစ်တွင် ၁၆၀၀၀-၁၆၅၀၀ကျပ်ခန့် ဈေးပိုရခဲ့ပါသည်။
ပဲခူးတိုင်းဒေသကြီး၊ ပြည်ခရိုင်တွင် (၂၀၂၄-၂၀၂၅) ဘဏ္ဍာနှစ်တွင် ကြံစိုက်ဧက စုစုပေါင်း (၂၈၆၅၅) ဧက စိုက်ပျိုးထားရှိပြီး ခင်းသစ်စိုက်ဧကမှာ (၁၈၇၉၉)ဧက ၊ လမိုင်းစိုက်ဧကမှာ (၉၈၅၆) ဧက စိုက်ပျိုးထားရှိကြောင်းသိရပါသည်။ ပြည်ခရိုင်အနေဖြင့် မြို့နယ်(၄)မြို့နယ်ရှိသည့် အနက်ကြံ ကို ပြည်မြို့နယ်နှင့် ပေါက်ခေါင်းမြို့နယ်တို့တွင်သာ အများအပြားစိုက်ပျိုးကြပါသည်။
တောင်ငူမြို့ အနီး စစ်တောင်းမြစ်နှင့် ခပေါင်းချောင်းကမ်းဘေး စိုက်ခင်းများမှ စိုက်ပျိုး သော မုံညင်းဖူး၊ မုံညင်းရွက်နှင့် မုံလာဥများမှာ ယခုအခါ လှိုင်လှိုင်ပေါ်နေပြီဖြစ်သဖြင့် ညောင်ပင် ဈေးတွင် ရောင်းချလျှက်ရှိနေပြီဖြစ်ပါသည်။
မုံညင်းဖူးများမှာ ပေါ်ခါစက တစ်စီးလျှင် ၃၅၀ ကျပ်၊ သုံးစည်းယူလျှင် ၁၀၀၀ ကျပ်ရှိရာမှ ယခုအပတ်တွင် တစ်စည်းလျှင် ၂၅၀ ကျပ်၊ ၁၀ စည်းယူလျှင် ၂၀၀၀ ကျပ်ဖြင့် ဈေးနှုန်းကျဆင်းပါ သည်။
တောင်ငူမြို့ ပတ်ဝန်းကျင်ရှိ ကျေးရွာများသည် ဟင်းသီးဟင်းရွက်များအား တပိုင်တနိုင် စိုက်ပျိုးကြသူများပေါများပါသည်။ မိမိတို့စိုက်ခင်းများမှထွက်ရှိသော ဟင်းသီးဟင်းရွက်များကို တောင်ငူမြို့ရှိ ဘုရင့်နောင်ဈေးနှင့် ညောင်ပင်ဈေးများသို့ကိုယ်တိုင်ရောင်းချ၍သော်လည်းကောင်း တစ်ဆင့်ပြန်လည်ရောင်းချသူများအား ဖောက်သည်ပေး၍သော်လည်းကောင်း ရောင်းချကြပါသည်။
