ကုန်သွယ်မှုသတင်းများ
ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့၊ ရွှေမြင်တင်၊ ကမ်းနာလမ်းတွင် သံပုယိုသီးခြံစိုက်ပျိုးထားကြောင်း၊ ပန်းတနော်မြို့နယ်တွင် ရှောက်ချဉ်သံပုရာ စိုက်ဧက ၆၇၃ဧက စိုက်ပျိုးထားရှိကြောင်း သိရသည်။
ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့၊ မင်းဘောကျေးရွာအုပ်စု၊ ကျုံစုပ်ကျေးရွာတွင် ကော့သောင်း ဘိတ်ကွမ်းသီးကို ဧက ၁၅ဧကတွင် စိုက်ပျိုးထားရှိကြောင်း သိရသည်။
ဧရာဝတီတိုင်းဒေသကြီး၊ ဓနုဖြူမြို့နယ်အတွင်းရှိ ရန်ကုန်-ဓနုဖြူ-ဟင်္သတကားလမ်းဘေး ကျေးရွာများတွင် ပဲတိုင်တောင်သီးနှံကို စိုက်ပျိုးလျက်ရှိပြီး ယခုနှစ်တွင် ဓနုဖြူမြို့နယ်တွင် ဟင်းသီးဟင်းရွက်စိုက်ဧက ၈၆၁ ကျော် စိုက်ပျိုးထားရှိကြောင်း သိရသည်။
ဖျာပုံခရိုင်၊ ဒေးဒရဲမြို့နယ် မြို့မဈေး၌ ၂၀၂၄ ခုနှစ်၊ ဒီဇင်ဘာလ(၃) ရက်နေ့၊ နံနက် (၀၇:၀၀) နာရီအချိန်တွင် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့ ၊ စားသုံးသူရေးရာဦးစီးဌာနနှင့် မွေးမြူရေးလုပ်ငန်းရှင်များပါဝင်သော ပူးပေါင်းအဖွဲ့ဖြင့် ကြက်ဥ၊ ဘဲဥ ၊ ကြက်သား(CP) ၊ ငါးများကို သက်သာဈေးနှုန်းဖြင့် ရောင်းချပေးခဲ့ကြောင်းသိရသည်။
စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် ၃.၁၂.၂၀၂၄ ရက်နေ့၊ နံနက်(၀၉:၀၀) နာရီအချိန်တွင် ကုန်ဈေးနှုန်းတည်ငြိမ်ကျဆင်းရေးအဖွဲ့ ဥက္ကဌ၊ အဖွဲ့ဝင်များနှင့်အတူ ကြံခင်းမြို့ မြို့မဈေးအတွင်းရှိ ကြက်ဥ၊ ဘဲဥအရောင်းဆိုင်များအား ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။
