ပြည်တွင်းကုန်သွယ်မှုသတင်းများ
ကရင်ပြည်နယ်၊ သံတောင်ကြီးဒေသမှ ဝါးပိုးမျှစ်ချဉ်များသည် နှစ်စဉ် ဇွန်လဆန်းခန့်တွင်ထွက်ရှိပြီး ၎င်းကို တောင်ငူမြို့ အရှေ့ဘက် (၅)မိုင်ခန့်ရှိ ပွဲရုံများသို့ ပေးပို့ရောင်းချလျက်ရှိပါသည်။
တောင်ငူမြို့ ညောင်ပင်ဈေးရှိ ဘုရားပန်းဆိုင်များတွင် ပန်းထိမ်ငိုပန်းများ ရောင်းအားကောင်းလျက်ရှိပါသည်။ ပန်းထိမ်ငိုပန်းများသည် အခြားပန်းများထက်စာလျှင် ရက်တာရှည်ခံသဖြင့် လူကြိုက်များခြင်းဖြစ်ပါသည်။
တောင်ငူမြို့ ညောင်ပင်လေးဈေးသို့ အညာဒေသထွက် ပဲလိပ်ပြာများကို လာရောက်ရောင်းချလျက်ရှိပါသည်။
ဘူးသီးသည် မြန်မာ့ခြံထွက် သစ်သီးဝလံတစ်မျိုးဖြစ်ပါသည်။ တောင်ငူမြို့အနီးရှိကျေးရွာများတွင် ဘူးပင်များကို တစ်နိုင်တစ်ပိုင်စိုက်ပျိုးကြသူများ အပိုဝင်ငွေရရှိကြပါသည်။ ယခုအခါတွင် ဘူးသီးများလှိုင်လှိုင်ပေါ်နေပြီဖြစ်ရာ တောင်ငူမြို့ပေါ်ရှိ ဈေးများတွင် ရောင်းချလျက်ရှိနေပါသည်။
တောင်ငူမြို့၊ ညောင်ပင်ဈေးတွင် ရှမ်းပြည်နယ်တောင်ပိုင်း တောင်ကြီးမြို့မှဝင်ရောက်လာသော ဩဇာသီးများမှာ ဈေးကောင်းရလျက်ရှိပါသည်။
