စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဝန်ထမ်းများသည် စားသုံးသူများဘေးကင်းလုံခြုံစိတ်ချရမှုရှိစေရေး၊ ကုန်စည်နှင့်စပ်လျဉ်း၍ အာမခံချက်ပေးနိုင်သော စီးပွားရေးလုပ်ငန်းရှင်ဖြစ်လာစေရန်ရည်ရွယ်၍ (၂၄-၅-၂၀၂၃)ရက်နေ့၊ နံနက်(၁၀:၃၀)နာရီအချိန်တွင် သရက်မြို့၊ သဟာရလမ်း၊ မြောက်မင်းတည်းရပ်ကွက်ရှိ ‘မေတ္တာမွန်’ အမှတ်တံဆိပ်ပါ ပဲကြော်၊ ပဲကြီးလှော်လုပ်ငန်းရှင်ထံသို့သွားရောက်၍ ကုန်အညွှန်းအမှတ်အသားပြည့်စုံမှန်ကန်စွာထည့်သွင်းဖော်ပြပါရှိရေး အသိပညာပေးဆွေးနွေးခဲ့ပါသည်။
ထိုသို့ အသိပညာပေးဆွေးနွေးရာတွင် ဒု-ခရိုင်ဦးစီးမှူး၊ ဦးအုန်းမြင့်(ဦးစီးမှူး)က ကုန်စည်ထုပ်ပိုးပုံစံနှင့် ကုန်စည်စီးဆင်းမှုအခြေအနေများကိုမေးမြန်း၍ ကုန်အညွှန်းအမှတ်အသားပြည့်စုံသည့်ကုန်စည်များကို ထုပ်ပိုးရောင်းချမည်ဆိုပါက အရည်အသွေးနှင့် အာမခံချက်ရှိကာ စားသုံးသူများအား စိတ်ချယုံကြည်မှုပေးနိုင်သောကုန်စည်တစ်ခုဖြစ်လာမည့်အပြင် ရိုးရှင်းမှန်ကန်၍ သတင်းအချက်အလက်ပေးနိုင်သော စီးပွားရေးလုပ်ငန်းရှင်ဖြစ်လာမည်ဖြစ်ပါကြောင်း၊ ဦးကျော်ရွှေ(ဒု-ကြီးကြပ်ရေးမှူး)က စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေ(၂/၂၀၁၉)နှင့်အညီ ကုန်စည်များတွင် မြန်မာဘာသာဖြင့် မဖြစ်မနေဖော်ပြပါရှိရမည့် ကုန်အညွှန်းအမှတ်အသားများအကြောင်း၊ ဒေါ်ရီရီထွေး(ဒု-ဦးစီးမှူး)က ကုန်အညွှန်းအမှတ်အသားပြည့်စုံသည့်ကုန်စည်များထုတ်လုပ်ရောင်းချလိုပါက စားသုံးသူရေးရာဦးစီးဌာန၊ သရက်မြို့သို့ ဆက်သွယ်ဆောင်ရွက်နိုင်ပါကြောင်းနှင့် အခြားစီးပွားရေးလုပ်ငန်းရှင်များကိုလည်း သတင်းဖြန့်ဝေပေးစေလိုကြောင်း ပြောကြားခဲ့ပါသည်။
DOCA(မကွေး)