စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ပပို့ကုန်တိုးမြှင့်တင်ပို့မှုဆိုင်ရာပေါင်းစပ်ညှိနှိုင်းရေး (Export Promotion Task Force) အဖွဲ့က ကြီးမှူးကျင်းပသော ပြည်ပပို့ကုန်မြှင့်တင်ရေးဆွေးနွေးပွဲကို (၁၂-၆-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ရှမ်းပြည်နယ် (တောင်ပိုင်း)၊ ကုန်သည်များနှင့်စက်မှုလက်မှုလုပ်ငန်းရှင်များအသင်းရုံး (SSSCCI) တွင် ကျင်းပပြုလုပ်ရာ ရှမ်းပြည်နယ်အစိုးရအဖွဲ့၊ စီးပွားရေးရာဝန်ကြီး ဦးခွန်သိန်းမောင်၊ စားသုံးသူရေးရာဦးစီးဌာနမှ ညွှန်ကြားရေးမှူးချုပ် ဦးမြင့်ချို၊ မြန်မာ့ကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူးချုပ် ဒေါ်နော်မူတာကပေါ၊ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်၊ ဒေါက်တာမိုးမိုးသွယ်၊ ရှမ်းပြည် နယ် (တောင်ပိုင်း)၊ ကုန်သည်များနှင့်စက်မှုလက်မှုလုပ်ငန်းရှင်များအသင်းဥက္ကဋ္ဌ ဦးအောင်ဆန်းဝင်း နှင့် သက်ဆိုင်ရာဌာနအသီးသီးမှ တာဝန်ရှိသူများ၊ ရှမ်းပြည်နယ်ရှိ စီးပွားရေးအသင်းအဖွဲ့များ၊ သီးနှံအစုအဖွဲ့များ၊ လုပ်ငန်းရှင်များတက်ရောက်ကြပါသည်။
ပြည်ပပို့ကုန်တိုးမြှင့်တင်ပိုမှုဆိုင်ရာ ပေါင်းစပ်ညှိနှိုင်းရေးအဖွဲ့မှ အဖွဲ့၏လုပ်ငန်းဆောင်ရွက်မှုများကိုရှင်းလင်းဆွေးနွေးခြင်း၊ စီးပွားရေးအသင်းအဖွဲ့များ၊ သီးနှံအစုအဖွဲ့များ၊ လုပ်ငန်းရှင်များက လုပ်ငန်းလိုအပ်ချက်နှင့် အခက်အခဲများကိုတင်ပြခဲ့ကြပြီး တာဝန်ရှိသူများက ပြန်လည်ညှိနှိုင်းပေါင်းစပ်ဆောင်ရွက်ခဲ့ကြောင်း သတင်းရရှိပါသည်။
DOCA(ရှမ်း)