ကော့ကရိတ်မြို့နယ်တွင် ဓာတ်မြေဩဇာဈေးနှုန်းအနည်းငယ်ကျဆင်း၍ ပိုးသတ်ဆေးဈေးနှုန်းမှာ အရောင်းအဝယ်ပုံမှန်ရှိနေကြောင်း သိရှိရသည်။ ယခင်တစ်ပတ် (ဇွန်လ၊ ပထမအပတ်) တွင် ဓာတ်မြေဩဇာ (၁၅-၁၅-၁၅) ယိုးဒယားတစ်အိတ်လျှင် ကျပ်၁၅၀၀၀၀၊ ယခုတစ်ပတ် (ဇွန်လ၊ ဒုတိယအပတ်) ဈေးနှုန်းမှာ ကျပ်၁၃၀၀၀၀၊ ယခင်တစ်ပတ်တွင် ဓာတ်မြေဩဇာ (၂၀-၁၂-၁၂) ဩဘာတစ်အိတ်လျှင် ကျပ်၁၃၀၀၀၀၊ ယခုဈေးနှုန်းမှာ ကျပ်၁၁၀၀၀၀၊ ယခင်တစ်ပတ်တွင် သဘာဝနတ်ဩဇာတစ်အိတ်လျှင် ကျပ်၃၃၀၀၀၊ ယခုဈေးနှုန်းမှာ ကျပ်၃၃၀၀၀၊ ယခင်တစ်ပတ်တွင် တီစူပါ (သံကွင်း) တစ်အိတ်လျှင် ကျပ်၁၃၅၀၀၀၊ ယခုဈေးနှုန်းမှာ ကျပ်၁၁၀၀၀၀ဖြစ်ပြီး ယခင်တစ်ပတ်တွင် ပိုတက်စီယမ်တစ်အိတ်လျှင် ကျပ်၁၄၀၀၀၀၊ ယခုဈေးနှုန်းမှာ တစ်အိတ်လျှင် ကျပ်၁၂၀၀၀၀ဖြင့် အရောင်းအဝယ်ဖြစ်နေကြောင်း စုံစမ်းသိရှိရပါသည်။
ပိုးသတ်ဆေးဈေးနှုန်းမှာ တည်ငြိမ်နေပြီး အရောင်းအဝယ်ဖြစ်နေသည့်ဈေးနှုန်းမှာ ပိုးသတ်ဆေး (မာလာမြိုင်ဆိုင်ဖာ) ၁၀၀cc ပုလင်းတစ်လုံးလျှင် ကျပ်၃၅၀၀၊ မြန်မာ့ဩဘာ စိုင်ကလုံ၁၀၀cc ပုလင်းတစ်လုံးလျှင် ကျပ်၈၀၀၀၊ မြန်မာ့ဩဘာ တော်ပီဒို ၂၅၀cc ပုလင်းတစ်လုံးလျှင် ကျပ်၁၃၀၀၀၊ မြန်မာ့ဩဘာ တော်ပီဒို ၁၀၀cc ပုလင်းတစ်လုံးလျှင် ကျပ်၇၀၀၀ရှိကြောင်း စုံစမ်းသိရှိရပါသည်။
စိုက်ပျိုးရာသီကာလအတွင်း စိုက်ပျိုးရေးလုပ်ငန်းသုံး သွင်းအားစုမြေဩဇာပိုးသတ်ဆေးဈေးနှုန်းများဈေးကျဆင်းမှုကြောင့် တောင်သူများအတွက် အရင်းအနှီးစိုက်ထုတ်ရမှုလျော့နည်းကာ တစ်ဧကကုန်ကျစရိတ်အပေါ် အကျိုးအမြတ်ပိုမိုရရှိနိုင်လာကြောင်း သိရပါသည်။
DOCA(ကရင်)