မိတ္ထီလာခရိုင်အတွင်း ကြက်သွန်နီစျေးမှာ ရွာစျေးတစ်ပိဿာလျှင် (၁၈၀၀-၂၂၀၀) ကျပ်၊ မြို့ပေါ် စျေးတစ်ပိဿာ (၂၂၀၀-၂၃၀၀) ကျပ်ဖြင့် ယခင်အပတ်စျေးနှင့် ကွာခြားမှုမရှိဘဲ စျေးငြိမ်နေကြောင်း သိရသည်။ ဇွန်လ တတိယပတ်အတွင်း မိတ္ထီလာမှ ရန်ကုန်သို့ (၁၂) ဘီးကား (၃) စီးဖြင့် အခြားကုန်များ နှင့်ရော၍ ကုန်ချိန်ပိဿာ (၁၀၀၀၀) ခန့်၊ ပဲခူးသို့လည်း (၆) ဘီးကားဖြင့် တစ်ရက် တစ်စီးလျှင် အခြားကုန်များနှင့်ရော၍ ကုန်ချိန်ပိဿာ (၃၀၀၀၀) ခန့် ၊ မူဆယ်သို့ တွဲကား နှစ်စီးဖြင့် ကုန်ချိန်(၆၄) တန်၊ မြဝတီသို့ (၁၂) ဘီးကား (၆) စီးဖြင့် ကုန်ချိန် (၁၀၂) တန် တင်ပို့ခဲ့ပါသည်။ ကုန်တင်ခအနေဖြင့် တစ်ပိဿာလျှင် မိတ္ထီလာ-ရန်ကုန် (၁၁၀) ကျပ်၊ မိတ္ထီလာ-ပဲခူး (၁၁၀) ကျပ်၊ မိတ္ထီလာ-မူဆယ် (၂၀၀) ကျပ်နှင့် မိတ္ထီလာ-မြဝတီ (၁၅၀) ကျပ်ရှိကြောင်း သိရပါသည်။
DOCA(မန္တလေး)