မြန်မာနိုင်ငံသည် ခရမ်းပင်များနှင့်သင့်တော်သော ရာသီဥတုဖြစ်သဖြင့် ခရမ်းပင်များကို နေရာ အနှံ့အပြားတွင်စိုက်ပျိုးကြပါသည်။ ခရမ်းမျိုးများမှာ များပြားပြီး ၎င်းတို့အနက်မှ အသုံးများသော ခရမ်းသီးများမှာ ခရမ်းရှည်၊ ခရမ်းပု၊ ခရမ်းကြွပ်၊ ခရမ်းကစော့ တို့ဖြစ်ပါသည်။ ခရမ်းပင်ကို မိမိတို့ အိမ်ခြံဝန်းထဲတွင် မိသားစုစားသုံးရန်အတွက် စိုက်ပျိုးကြသလို စီးပွားဖြစ်လည်း စိုက်ပျိုးကြ ပါသည်။ ပြည်ဒေသအနီးတဝိုက်ရှိ ကျေးရွာများဖြစ်သော မှော်ဇာ၊ တောင်လုံးညို နှင့် ခွေးရဲဘက်မှလည်း စိုက်ပျိုးကြပြီး ပြည်ဈေးကွက်သို့ လာရောက်ရောင်းချကြပါသည်။
ခရမ်းပင်များကို စိုက်ပျိုးရာတွင် တူးဆွထားသောမြေ၌ မြေဩဇာ၊ နွားချေးခြောက် ကိုရောကာ မျိုးစေ့များကို ပျိုးယူရပါသည်။ စိုက်ခင်းဘောင်တန်းများပေါ်တွင် တစ်ပင်နှင့်တစ်ပင် (၂)ပေ စီခွာလျှက် စိုက်ပျိုးရပါသည်။ ခရမ်းပင်ကို တစ်နှစ်ပတ်လုံး ရေလောင်းပြီး စိုက်ပျိုးရသော အပင်မျိုးဖြစ်ပါသည်။ ယခုအချိန်ဈေးကွက်တွင် ရောင်းချနေသော ခရမ်းသီးဈေးများမှာ ခရမ်းသီး တစ်လုံးလျှင် အရွယ်အစားကိုလိုက်၍ ကွာခြားမှုရှိသည့်အတွက် အလုံးကြီး တစ်လုံးလျှင် (၃၀၀-၄၀၀)ကျပ်၊ ခရမ်းပြုတ်သီး တစ်ပိဿာလျှင် (၃၅၀၀)ကျပ်ဖြင့် ရောင်းချလျှက်ရှိကြောင်းသိရှိရသည်။
DOCA(ပဲခူး)