ပြည်ခရိုင်၊ ပြည်မြို့ရှိ ပွဲရုံများတွင် မိုးပဲတီစိမ်းများ အဝင်ရှိနေပြီဖြစ်ရာ ၂၀၂၃ခုနှစ်၊ ဇွန်လတွင် ဝက်ထီးကန်၊ ကံမ၊ ရွှေတောင်၊ ကျီးသဲဘက်တို့မှ တစ်ရက်လျှင် အိတ် (၃၀၀/၄၀၀) ခန့်အဝင်ရှိနေပါသည်။ ပဲတီစိမ်းထွက်ရှိရာ ဝက်ထီးကန်မြို့နယ်ဘက်မှ ပြည်မြို့သို့ ပဲတီစိမ်းအသစ်များဝင်ရောက်မှုရှိနေပြီး အရောင်းအဝယ်ဖြစ်သည့် ဈေးနှုန်းများမှာ တစ်တင်းလျှင် (၆၀၀၀၀) ကျပ်ဖြင့် အရောင်းအဝယ်ဖြစ်ခဲ့ပါသည်။ ယခင်နှစ်တွင် မိုးပဲတီစိမ်းပေါ်စဈေးမှာ (၄၈၀၀၀) ကျပ်ဖြင့် အရောင်းအဝယ်ဖြစ်ခဲ့ကြောင်းသိရှိရပါသည်။ ယခင်နှစ် ပဲတီစိမ်းပေါ်စဈေးထက် ယခုနှစ် ပဲတီစိမ်းအဖွင့်ဈေးမှာ (၁၂၀၀၀) ကျပ်ခန့်ဈေးပိုရခဲ့ကြောင်းသိရှိရပါသည်။ အရောင်းအဝယ်ဖြစ်မှုမှာလည်း ယခုနှစ်တွင် ဈေးပိုမိုရရှိခဲ့ပြီး မန္တလေးဝယ်လက်တစ်ရက်လျှင် အိတ် (၃၀၀/၄၀၀) ခန့်အဝယ်ရှိပြီး ဝင်သလောက် အဝယ်ရှိခဲ့ကြောင်းသိရှိရပါသည်။
ပြည်ခရိုင်အတွင်းရှိ ပြည်မြို့တွင် ပဲတီစိမ်းဈေးနှုန်းမှာ ယခင်နှစ်ထက်မြင့်တက်နေသည့်အတွက် ပဲစိုက်တောင်သူများအနေဖြင့် ယခင်နှစ်ထက် အကျိုးအမြတ်ပိုမိုရရှိခဲ့ကြောင်းသိရှိရပါသည်။
DOCA(ပဲခူး)