မုတ်ကောင်များကိုရှာဖွေ၍မွေးမြူပြီး ပုလဲများထုတ်ယူရရှိသဖြင့် မွေးပုလဲဟုခေါ်ပါသည်။ ရေချိုကမာကောင်များမှ ရေချိုပုလဲကိုရရှိ၍ ရေငံမုတ်ကောင်များမှ ရေငံမွေးပုလဲကိုရရှိပါသည်။ မုတ်ကောင်များကို မျိုးပွားသားဖောက်၍ ပုလဲစုဆောင်းကြရပါသည်။ မွေးပုလဲသည် သဘာဝပုလဲထက် ပေါများလှပါသည်။ သို့သော် ပုံသဏ္ဌာန်အရွယ်အစားနှင့် အရောင်ပေါ်မူတည်၍ သဘာဝနီးပါး ဈေးကြီးလှပါသည်။ မွေးပုလဲတစ်လုံးရရှိရန် မုတ်ကောင်များကို ရှာဖွေစုဆောင်းရပြီး မုတ်ကောင်များ ၃နှစ်သားအရွယ်အထိ မွေးမြူထားပြီး အရွယ်ရောက်လာမှ ရွေးချယ်၍ ပုလဲများရရန် ဝတ်ဆံထည့်မွေးမြူကြပါသည်။ သေသည့်အကောင်များကို ဖယ်ထုတ်၍ ၂နှစ်ခန့်ကြာမှ မုတ်ကောင်များကို ဓာတ်ခွဲခန်းတွင် ထုတ်ယူရသဖြင့် ကျွမ်းကျင်ပညာရှင်များလိုအပ်ပြီး လုပ်ငန်းစဉ် ကာလတစ်လျှောက်လုံး ဂရုတစိုက်ဆောင်ရွက်၍ အချိန်များစွာလိုအပ်ပါသည်။ သားဖောက်အဆင့်နှင့် ပုလဲထုတ်ယူသည့်အချိန်အထိ အချိန်ကာလ၆နှစ်ခန့်ကြာမြင့်သောကြောင့် မွေးပုလဲသည်လည်း သဘာဝပုလဲနီးပါတန်ဖိုးရှိလှပါသည်။ ထွက်ရှိရာဒေသနှင့် ဓာတ်ဖွဲ့စည်းမူ အပေါ်မူတည်၍ ပုလဲအရောင်(၃)မျိုးရှိပြီး ပုလဲဖြူ၊ပုလဲနက်နှင့် အရောင်ရှိပုလဲဟူ၍ဖြစ်ပါသည်။ ထိုကြောင့်မွေးပုလဲသည်လည်း သဘာဝပုလဲနီးပါးတန်ဖိုးရှိလှပါကြောင်း မှီငြမ်း (ကိုးကား၍) ရေးသားတင်ပြလိုက်ရပါသည်။
DOCA(ကယား)