ပခုက္ကူကုန်စည်ဒိုင်တွင် ၂၀၂၃ခုနှစ် ဇွန်လ(ဒုတိယ)ပတ်တွင် ဖြစ်ပေါ်ခဲ့သော ပဲစဉ်းငုံနီ ဈေးမှာ အမြင့်ဆုံးကျပ်(၁၀၄၅၀၀)ရှိခဲပြီး တတိယပတ်တွင် ကျပ်(၉၁၈၀၀) ကျဆင်းခဲ့သည်။ ယခု ဇူလိုင်(ပထမ)ပတ်တွင် ကျပ်(၁၀၀၀၀၀)ထိ ပြန်လည်မြင့်တက်လာခဲ့ပြီး တင်ပို့မှုအနေနှင့်လည်း ဇွန်လထက် အိတ်(၆၀၀)ပိုမိုတင်ပို့နိုင်ခဲ့ပါသည်။
ပဲတီစိမ်းကြီးမှာ ဈေးငြိမ်လျက်ရှိပြီး ဇွန်လ(ပထမ)ပတ်ကတည်းက ဖြစ်ခဲ့သော ဈေး ကျပ်(၄၇၀၀၀-၅၈၀၀၀)မှာ ယခုဇူလိုင်(ပထမ)ပတ်ထိ ယင်းဈေးအတိုင်းပင် အရောင်းအဝယ် ဖြစ်ပြီး အိတ်(၁၅၀၀)ခန့် တင်ပို့နိုင်ခဲ့သည်။
ဇွန်လ(ဒုတိယ)ပတ်တွင် ပဲယင်းနီ စတင်ဝင်ရောက်လာပြီး တစ်တင်းလျှင် ကျပ် (၇၄၃၀၀)မှ ယခုဇူလိုင်(ပထမ)ပတ်တွင်လည်း ကျပ်(၇၄၃၀၀)နှင့်ပင် အရောင်းအဝယ်ဖြစ်ပြီး အိတ်(၄၀၀)ခန့် တင်ပို့နိုင်ခဲ့သည်။
ကုလားပဲအုပ်စုအနေနှင့် ဇွန်လနောက်ဆုံးပတ်တွင် ကုလားပဲ(HL)တစ်တင်း ကျပ် (၈၈၀၀၀)၊ ကုလားပဲ V2 တစ်တင်း ကျပ်(၇၉၀၀၀)နှင့် အရောင်းအဝယ်ဖြစ်ခဲ့ပြီး ယခုဇူလိုင် (ပထမ)ပတ်တွင် ကုလားပဲ(929) တစ်တင်းလျှင် ကျပ်(၈၄၈၀၀)၊ ကုလားပဲ V2 တစ်တင်း ကျပ်(၈၅၆၀၀)နှင့် ဈေးအနည်းငယ်မြင့်တက်ခဲ့ပြီး ပုံမှန်တင်ပို့နေခဲ့ကြောင်း သိရှိရပါသည်။
ယခုဇူလိုင်(ပထမ)ပတ်တွင် ပဲဇီးကွက်၊စွန်တာနီပဲများ အရောင်းအဝယ်မဖြစ်သော်လည်း နှမ်း(ဖြူ)များ အရောင်းအဝယ်ဖြစ်လျက်ရှိပါသည်၊ ဇွန်လ(နောက်ဆုံး)ပတ်တွင် တစ်တင်းလျှင် ကျပ်(၁၁၄၀၀၀)မှ ဇူလိုင်(ပထမ)ပတ်တွင် ကျပ်(၁၁၅၀၀၀)နှင့်အိတ် (၃၀၀)ခန့် တင်ပို့နိုင်ခဲ့သည်။
မန်ကျည်းတောင့်များလည်း ယခုအချိန်ထိ အရောင်းအဝယ်ဖြစ်လျက်ရှိရာ တစ်ပိဿာ ကျပ်(၈၄၀)နှင့် တစ်ပတ်လျှင် ပိဿာ(၂၀၀၀၀)ခန့်တင်ပို့နေရကြောင်း ကုန်စည်ဒိုင်မှ သိရှိရပါ သည်။
DOCA(မကွေး)