ယခု၂၀၂၃ခုနှစ်၊ဇူလိုင်လလယ်တွင် ပြည်ဈေးကွက်သို့ ကြက်သွန်နီသီးနှံ အ၀င်နည်းနေပြီး မကွေးတိုင်း အောင်လံဘက်မှ ပိဿာချိန် (၇၀၀)၊ ဆိပ်ဖြူဘက်မှ ပိဿာချိန် (၂၅၀၀)၊ ကျောက်ပန်းတောင်းဘက်မှ ပိဿာချိန် (၁၅၀၀)ခန့် ရှိသဖြင့် ပိဿာချိန်ပေါင်း (၄၇၀၀)ခန့်သာ အဝင်ရှိနေသည်။ ယခင် နေ့စဉ် ပိဿာချိန် (၇၀၀၀)ခန့် ဝင်ရောက်မှုရှိခဲ့သဖြင့် ထက်ဝက်နီးပါးခန့် အဝင်နည်းသွားကြောင်းသိရသည်။ အရောင်းအဝယ်အနေဖြင့် အဝင်နည်းသဖြင့် ပုံမှန်ထက် ရောင်းဝယ်မှုနည်းပါး သွားကြောင်းသိရပြီး ဒေသတွင်းဝယ်လက်များ အိတ်ဆွဲ ဝယ်ရောင်းသမားများနှင့် ဧရာဝတီ၊ ရခိုင်၊ ပန်းတောင်း(ဥသျှစ်ပင်)၊ သာယာဝတီခရိုင်တို့သို့ နယ်ကျော်၊ တိုင်းကျော် စီးဆင်းမှုများအဖြစ် ပုံမှန်ရောင်းဝယ်နေကြောင်းသိရသည်။ ဈေးနှုန်းများမှာ ပွဲရုံလက်ကားဈေး တစ်ပိဿာလျှင် (ကြီး/လတ်/သေး)ကျပ် (၂၃၀၀/၂၂၀၀-၂၁၀၀/၂၀၀၀-၁၉၀၀) နှုန်းတို့ရှိပြီး လက်လီဈေး အသေးများတွင် ကျပ်(၂၅၀၀/၂၄၀၀-၂၃၀၀/၂၂၀၀)တို့ဖြင့် အသီးသီးရောင်းဝယ်မှုရှိနေကြောင်း သိရှိရပါသည် ။
DOCA(ပဲခူး)