စားဖိုဆောင်သီးနှံများဖြစ်သည့် ချင်းနှင့်နနွင်းသည် လူတို့နေ့စဉ်စားသုံးနေသော အစားအစာများ၊ ဟင်းလျာများတွင် မရှိမဖြစ်အသုံးပြုသည့် တိုင်းရင်းဆေးဝါးများ ဖော်စပ်ရာတွင်လည်း အသုံးပြုကြသဖြင့် ကျန်းမာရေးအတွက် အထူးကောင်းမွန်သော ဟင်းခတ်အမွေးအကြိုင်များဖြစ်ပါသည်။
မိတ္ထီလာခရိုင်တွင် ဂျင်းနှင့်နနွမ်းကို သာစည်မြို့နယ်ရှိ ဆင်တောင်၊ လယ်ပြင်၊မြင်းတိုက်ကျေးရွာများတွင် စိုက်ပျိုးကြပါသည်၊၊ ယခု ဇူလိုင်လ စတုတ္ထပတ်တွင် စျေးကွက်အတွင်းဖြစ်ပေါ်နေသော ဂျင်းနှင့်နနွမ်းတက်စျေးနှုန်းမှာ ဂျင်းတစ်ပိဿာလျှင် (၅၀၀၀) ကျပ်၊ နနွမ်းတက်တစ်ပိဿာလျှင် (၅၀၀၀) ကျပ်ဖြင့် အရောင်းအဝယ်ဖြစ်လျက်ရှိပြီး ယခင်ဇွန်လ စတုတ္ထပတ်အတွင်း ဂျင်းတစ်ပိဿာ လျှင် (၈၀၀၀) ကျပ်၊ နနွမ်းတက်တစ်ပိဿာလျှင် (၅၅၀၀) ကျပ် စျေးရှိခဲ့သဖြင့် ယခင်လနှင့်ယခုလနှိုင်းယှဉ်လျှင် ချင်းစျေးနှင့်နနွမ်းစျေးနှုန်းများ ကျဆင်းလာကြောင်း စျေးကွက်မှ သိရှိရပါသည်။
DOCA(မန္တလေး)