ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်တွင် စားသုံးဆီများဖူလှုံရန်အတွက် စားသုံးသူရေးရာဦးစီးဌာနနှင့် ဆီကုန်သည်များပူးပေါင်း၍ စာသုံးသူပြည်သူများအား စားသုံးဆီများကို ဈေးနှုန်းချိုသာစွာရောင်းချပေးလျက်ရှိပါသည်။
ထိုသို့သက်သာသောဈေးနှုန်းဖြင့်ရောင်းချရာတွင် ရွှေတောင်မြို့နယ်၊ ယွန်းတန်းရပ်ကွက်၊ မြို့မစည်ပင်သာယာဈေး၌ (၁၂-၇-၂၀၂၃) ရက်နေ့၊ နံနက် (၈:၃၀) နာရီအချိန်တွင် ပြည်သူများကို စားသုံးဆီနှင့် ဘဲဥများကိုရောင်းချပေးခဲ့ပါသည်။ ထိုသို့ရောင်းချရာတွင် စားသုံးသူရေးရာဦးစီးဌာနရှိ ဝန်ထမ်းများနှင့် မြို့နယ်အထွေထွေအုပ်ချုပ်ရေးဦးစီးဌာနတို့နှင့်ပူးပေါင်း၍ ရောင်းချခဲ့ပါသည်။ ထိုသို့ရောင်းချရာတွင် လူတစ်ဦးလျှင် စားသုံးဆီ (၅၀) ကျပ်သားဘူးနှင့် ဘဲဥ (၅) လုံးတို့ကိုရောင်းချခဲ့ပါသည်။ စားအုန်းဆီ (၅၀) ကျပ်သားတစ်ဘူးလျှင် (၂၄၀၀) ကျပ်နှင့် ဘဲဥတစ်လုံးလျှင် (၃၀၀) ကျပ်နှုန်းဖြင့် ရောင်းချခဲ့ကြောင်းသိရပြီး ဆီပိဿာချိန် (၃၀၀) နှင့် ဘဲဥအလုံးရေ (၁၅၀၀) လုံးကိုရောင်းချခဲ့ကြောင်းသိရှိရပါသည်။
DOCA(ပဲခူး)