တောင်ငူမြို့၊ ကန်လမ်းရှိ 555 စီပီကြက်အစာနှင့် ကြက်ဥ၊ ဘဲဥအရောင်းဆိုင်တွင် ၂၀၂၃ခုနှစ်၊ ဇူလိုင်လ ၂၀ရက်နေ့တွင် ကြက်ဥတစ်လုံးလျှင် အကြီးအသေးအလိုက် အသေးတစ်လုံးလျှင် ၂၄၀ကျပ်နှင့် အကြီးတစ်လုံးလျှင် ၂၇၀ကျပ်ဈေးနှုန်းတို့ရှိခဲ့ပါသည်။
ယခင်တွင် ကြက်ဥတစ်လုံးလျှင် ၂၄၀ကျပ်ရှိခဲ့ရာမှ ယခုဇူလိုင်လကုန်နှင့် ဩဂုတ်လအစတွင် ၂၇၅ ကျပ်အထိဈေးနှုန်းမြင့်တက်သွားခဲ့ပြီး ၂၇၀ကျပ်တန်ကြက်ဥတစ်လုံးလျှင် ၃၀၀ကျပ်အထိ ဈေးနှုန်းအနည်းငယ်မြင့်တက်သွားခဲ့ပါသည်။
ကြက်ဥမှာ အခြေခံလူတန်းစားများနှင့် အလုပ်များသောရုံးဝန်ထမ်းများ အလွယ်တကူချက်ပြုတ်စားသောက်နိုင်သော စားသောက်ကုန်ဖြစ်သဖြင့် အရောင်းအဝယ်သွက်လျက်ရှိကြောင်း တောင်ငူမြို့၊ ကန်လမ်းရှိ 555 ကြက်ဥအရောင်းဆိုင်မှ အရောင်းဝန်ထမ်းတစ်ဦး၏ ပြောကြားချက်အရ သိရှိခဲ့ရပါသည်။
DOCA(ပဲခူး)