ယခုအချိန်သည် ဒူးရင်းသီးများလှိုင်လှိုင်ပေါ်နေသည့်အချိန်ဖြစ်ပါသည်။ တောင်ငူခရိုင်၊ ထန်းတပင်မြို့နယ်သို့ဝင်ရောက်လာသော ဒူးရင်းသီးများမှာ ကရင်ပြည်နယ်၊ သံတောင်ကြီးမြို့နယ်၊ သပြေညွန့်ဒေသမှ အများဆုံးဖြစ်ပါသည်။
သပြေညွန့်ဒူးရင်းသီးများမှာ စားဖူးသူတိုင်း စွဲလမ်းနှစ်သက်ကြပါသည်။ သပြေညွန့် ဒူးရင်းသီးမှာ အစေ့သေးပြီး အသားထူသဖြင့် နာမည်ကြီးပါသည်။ ၎င်းဒူးရင်းသီးများကို ကားဖြင့်လည်းကောင်း၊ ဆိုင်ကယ်ဖြင့်လည်းကောင်း ထန်းတပင်မြို့သို့သယ်ယူကြပါသည်။
ယခုအခါ ဒူးရင်းသီးများမှာ အရွယ်အစားအလိုက် တစ်လုံးလျှင် ၁၅၀၀ကျပ်မှ ၆၀၀၀ကျပ်အထိရှိပါသဖြင့် ဒူးရင်းသီးစိုက်တောင်သူများမှာ ဝင်ငွေကောင်းကြောင်းသိရပါသည်။ သံတောင်ကြီးမြို့နယ်၊ သပြေညွန့်ဒေသမှထွက်သော်လည်း ထန်းတပင်မြို့တွင် အရောင်းအဝယ်ဖြစ်သဖြင့် ထန်းတပင်ဒူးရင်းသီးဟု လူသိများပါသည်။
၎င်းဒူးရင်းသီးများကို ထန်းတပင်မြို့မှ တောင်ငူမြို့၊ ဒူးရင်းသီးပွဲရုံများသို့ပို့ဆောင်ပြီး တောင်ငူမြို့မှတစ်ဆင့် နေပြည်တော်နှင့် မန္တလေးတိုင်းဒေသကြီးများသို့ တင်ပို့ရောင်းချရကြောင်းသိရပါသည်။
DOCA(ပဲခူး)