စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဒေါ်သူဇာမြင့်(ဦးစီးမှူး)၊ ဦးသိန်းထိုက်အောင်(ဒု-ဦးစီးမှူး)နှင့် ဒေါ်ဖွာဇမဲန်(အငယ်တန်းစာရေး)တို့သည် ၂၀၂၃ခုနှစ်၊ ဩဂုတ်လ ၁၅ရက် နေ့၊ နံနက် (၁၀:၃၀) အချိန်တွင် ဟားခါးမြို့၊ ပြည်တော်သာရပ်ကွက်ရှိ အခြေခံပညာအတန်းကျောင်း အ.ထ.က(၃)၌ စားသုံးသူကာကွယ်ရေးအသိပညာပေးဟောပြောပွဲကျင်းပခဲ့ကြပါသည်။
အဆိုပါ ဟောပြောပွဲအခမ်းအနားတွင် စာသုံးသူရေးရာဦးစီးဌာနမှ ဒေါ်သူမြင့်က ကျောင်းသူ/ကျောင်းသားများအနေဖြင့် စားသုံးသူအခွင့်အရေးများသိရှိနားလည်စေရန်အတွက် စားသုံးသူ၏အခွင့်အရေး(၈)ချက်နှင့် စားသုံးသူ၏တာဝန်ဝတ္တရားများကိုရှင်းလင်းဆွေးနွေးခြင်း၊ ကုန်အညွှန်းအမှတ်အသားပြီးပြည့်စုံစွာဖော်ပြထားရှိခြင်းမရှိသည့် စားသောက်ကုန်ပစ္စည်းများကို ဝယ်ယူစားသုံးခြင်းမပြုရန်နှင့် အကြောင်းအမျိုးမျိုးကြောင့် ဝယ်ယူစားသုံးမိ၍ မိမိ၏ရုပ်ပိုင်းဆိုင်ရာဖြစ်စေ၊ စိတ်ပိုင်းဆိုင်ဖြစ်စေ ထိခိုက်လာပါက ချင်းပြည်နယ်ဦးစီးမှူးရုံးရှိ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ(CICC)တွင် ဖုန်းဖြင့်သော်လည်းကောင်း၊ လူကိုယ်တိုင်သော်လည်းကောင်း ဆက်သွယ်တိုင်ကြားနိုင်ပါကြောင်း ရှင်းလင်းဆွေးနွေးခဲ့ပါသည်။ အဆိုပါအခမ်း အနားတွင် ဆရာ/မများနှင့် ကျောင်းသား/သူစုစုပေါင်း(၆၃)ဦးတက်ရောက်ခဲ့ကြကြောင်းသိရှိရပါသည်။
DOCA(ချင်း)