ပြည်ခရိုင်၊ သဲကုန်းမြို့နယ်အတွင်းရှိ ယခုလိုမိုးရာသီကာလတွင် စပါးမျိုးကြဲကာလနှင့် စပါးစိုက်သောအချိန်တွင် လယ်ပုစွန်လုံးခေါ်၊ ဂဏန်းကောင်လေးများ ပေါများတဲ့အချိန်ရာသီဖြစ်ပါသည်။ သို့ပေမယ့် ယခုနှစ် မိုးရာသီကာလတွင် ဂဏန်းလုံးများရှားပါးလာတဲ့အတွက် ဂဏန်းလုံး ကောက်၍ရောင်းချသူများမှာ ဂဏန်းလုံးကောက်ယူရရှိမှုနည်းပါးသည့်အတွက် ဂဏန်းလုံးဈေးမှာ ဈေးကောင်းနေကြောင်း သိရပါသည်။ ဂဏန်းလုံးဈေးမှာ (၁၅)ကျပ်သားလျှင် (၁၀၀၀)ကျပ်ဖြင့် ဈေးများတွင်ရောင်းချကြောင်းသိရပါသည်။ ဂဏန်းလုံးမှ ထုတ်ယူရရှိသော ဂဏန်းလုံးဆီကို ပုတီးကုန်းမြို့တွင် ရာသီစာအစားအစာအဖြစ် ထုတ်ယူရောင်းချကြောင်းသိရပြီး ထိုမှတစ်ဆင့် နယ်များရှိဈေးများသို့လည်း အနည်းငယ်သွားရောက်ရောင်းချကြောင်း သိရပါသည်။ ဂဏန်းလုံးဆီဈေးနှုန်းမှာ (၁၀)ကျပ်သားလျှင် (၂၅၀၀)ကျပ်ဖြင့်ရောင်းချကြောင်း သိရပါသည်။ ရာသီစာအဖြစ် ဂဏန်းလုံးဆီကို ကြိုက်နှစ်သက်သူများက ဝယ်ယူစားသုံးကြကြောင်း သိရပါသည်။
DOCA(ပဲခူး)