ပဲခူးတိုင်း၊ ပြည်ခရိုင်၊ ပန်းတောင်းမြို့နယ်ရှိ ဒေါင်းမြတ်နားအုပ်စု၊ မြောင်ရှည်ကျေးရွာတွင် "ထက်ကောင်းမွန် "တံဆိပ်ဖြင့် ပဲကြော်လုပ်ငန်းများ လုပ်ကိုင်ဆောင်ရွက်လျက်ရှိပြီး ရောင်းဝယ် ဖောက်ကားလျက်ရှိသဖြင့် စားသုံးသူရေးရာဦးစီးဌာန မြို့နယ်တာဝန်ခံ ဒေါ်သန်းသန်းအေး နှင့် ဝန်ထမ်းများအဖွဲ့သည် (၁၁.၈.၂၀၂၃)နေ့ နံနက် (၁၀:၀၀)အချိန်တွင် သွားရောက်၍ ပဲကြော်ဈေးနှုန်း၊ ဈေးကွက် အခြေအနေကို ဆွေးနွေးခဲ့ပါသည်။
ထိုသို့ ပဲကြော်လုပ်ငန်းရှင် ဦးရန်နိုင်ဌေး နှင့် တွေ့ဆုံ၍ မေးမြန်းရာ ပဲကြော်လုပ်ငန်း လုပ်ကိုင် ရာတွင် ပဲကြီးစေ့ အစိမ်းကိုရေ(၈)နာရီခန့် စိမ်ပြီးနောက် ပဲအခွံချွတ်စက်ဖြင့် ပဲကြီးစေ့များကို အခွံ ချွတ်ရပါသည်။ အခွံချွတ်ပြီးသားပဲကြီးစေ့ကို ဂျုံနှင့် ကော်မှုန့် အနည်းငယ်ဖြင့် လူးနယ်ပြီး ဆီဖြင့် ကြော်ရကြောင်း သိရပါသည်။ ပဲကြီး အချိန် ပိဿာ(၃၀)လျှင် အဓိက ကော်မှုန့်(၂)ပိဿာနဲ့ လူးနယ် ရပါသည်။ ဆီသုံးစွဲမှုအနေဖြင့် တစ်ခါကြော်လျှင် စားအုန်းဆီပိဿာချိန် (၂၀)ခန့် သုံးစွဲရကြောင်းသိရပြီး ပဲကြော်ဈေးကွက်အနေဖြင့် ပန်းတောင်းမြို့နယ်အတွင်းရှိ ပဲကြီး၊ ကမြိုင်၊ ကွင်းလှ၊ ဥသျှစ်ပင်၊ ပန်းတောင်းမြို့ပေါ်ရှိ ကုန်မျိုးစုံဆိုင်များနှင့် ဆင်ထဲမြို့သို့ ဖြန့်ဖြူးရောင်းချကြောင်း သိရပါသည်။
ပဲကြော်ဈေးနှုန်းများအနေဖြင့် လက်ကားဈေးမှာ တစ်ပိဿာလျှင် (၉၀၀၀)ကျပ်နှင့်၊ လက်လီဈေးမှာ တစ်ပိဿာလျှင် (၁၁၀၀၀)ကျပ်ဖြင့် ဖြန့်ဖြူးရောင်းချကြောင်း သိရပါသည်။ ပဲကြော် လုပ်ငန်းရှင်များအနေဖြင့် ရောင်းအားကောင်းပြီး အရောင်းသွက်သဖြင့် လုပ်ငန်းလုပ်ကိုင်ကြရာတွင် အကျိုးအမြတ်များရှိပြီး အဆင်ပြေလျက်ရှိကြောင်း သိရပါသည်။
DOCA(ပဲခူး)
စားသုံးသူရေးရာဦးစီးဌာန