စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၁၆-၈-၂၀၂၃)ရက်နေ့၊ နံနက် (၁၃း၀၀)နာရီအချိန်တွင် ညောင်တုန်းမြို့နယ်၊ မြို့မရပ်ကွက်ရှိ အချိုရည်လက်လီ/လက်ကားဖြန့်ဖြူးရောင်းချသော ဆိုင်(၄)ဆိုင်သို့သွားရောက်၍ စားသုံးသူများအတွက် ဘေးအန္တရာယ်ရှိသောကုန်စည်များ ဈေးကွက်အတွင်းမှပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ကိုက်ညီမှုရှိ/မရှိအား ဈေးကွက်စောင့်ကြည့်စစ်ဆေးခဲ့ကြပါသည်။
ထိုသို့ စစ်ဆေးရာ၌ အသင့်သောက်အချိုရည်အမျိုးမျိုးတွင် ကုန်စည်အမျိုးအစားအလိုက် သတ်မှတ်ချက်နှင့်အညီ မြန်မာဘာသာဖြင့် သိသာထင်းရှားစွာဖော်ပြရမည့် ကုန်စည်၏အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်းဖော်ပြချက်များမှာ ပြည်စုံစွာဖော်ပြပါရှိကြောင်းကို စစ်ဆေးတွေ့ရှိရပြီး အချိုရည်ရောင်းချသောဆိုင်ရှင်များအား ကုန်အညွှန်းအမှတ်အသားပြည်စုံစွာဖော်ပြပါဝင်ခြင်းမရှိသော ကုန်စည်များကို ဈေးကွက်အတွင်းမရောင်းချရန် ဆွေးနွေးမှာကြားခဲ့ကြောင်း သတင်းရရှိပါသည်။
DOCA(ဧရာဝတီ)