စားသုံးသူရေးရာဦးစီးဌာနအနေဖြင့် ပြည်တွင်း/ ပြည်ပမှ ထုတ်လုပ်တင်သွင်းလာသည့် ကုန်စည်နှင့် ဝန်ဆောင်မှုများအပေါ် စားသုံးသူပြည်သူများဘေးအန္တရာယ်ကင်းရှင်းစွာသုံးစွဲနိုင်ရေး၊ ကုန်စည်များထုတ်ကုန်လုံခြုံစိတ်ချရမှုရှိစေရေးနှင့် စားသုံးသူကာကွယ်ရေးဥပဒေပါ ပြဋ္ဌာန်းချက်များကို စားသုံးသူပြည်သူများ ကျယ်ကျယ်ပြန့်ပြန့်သိရှိနိုင်စေရန်ရည်ရွယ်၍ စားသုံးသူကာကွယ်ရေးဆိုင်ရာအသိပညာပေးဟောပြောပွဲများ၊ ဈေးကွက်စောင့်ကြည့်စစ်ဆေးခြင်းလုပ်ငန်းများနှင့် ထုတ်ကုန်လုံခြုံစိတ်ချရမှုရှိစေရေးအတွက် စီးပွားရေးလုပ်ငန်းရှင်နှင့်တွေ့ဆုံဆွေးနွေးခြင်းလုပ်ငန်းများကို တိုင်းဒေသကြီး/ ပြည်နယ်/ ခရိုင်/ မြို့နယ်များပါမကျန် နိုင်ငံတဝှမ်းရှိ စားသုံးသူရေးရာဝန်ထမ်းများက အချိန်နှင့်တပြေးညီဆောင်ရွက်လျက်ရှိရာ ပဲခူးတိုင်းဒေသကြီး (အနောက်)၊ ပြည်ခရိုင်၊ ပြည်မြို့နယ်မှ မြို့နယ်တာဝန်ခံနှင့်ဝန်ထမ်းများသည် (၁၄-၈-၂၀၂၃)ရက်နေ့၊ နံနက် (၁၀:၀၀)နာရီအချိန်တွင် ပြည်မြို့၊ ပြည်သာယာရပ်ကွက်၊ တေဇအခြေခံပညာမူလွန်ကျောင်းရှိ ဆရာ/ဆရာမများနှင့် ကျောင်းသား/ကျောင်းသူ (၁၀၆)ဦးတို့အား စားသုံးသူကာကွယ်ရေးဆိုင်ရာအသိပညာပေးဟောပြောခဲ့ပြီးနောက် ကျောင်းဝန်းအတွင်းရောင်းချလျက်ရှိသော ဦးကျော်စိုး၏မုန့်မျိုးစုံဆိုင်သို့သွားရောက်၍ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားပြဋ္ဌာန်းချက်ဆိုင်ရာများနှင့်ကိုက်ညီသော မြန်မာဘာသာဖြင့်ဖော်ပြပါရှိသော မုန့်များကိုသာဦးစားပေးရောင်းချနိုင်ရေး ကွင်းဆင်းစစ်ဆေးခဲ့ပြီးနောက် နံနက် (၁၁:၀၀) နာရီအချိန်တွင် မြို့သစ် (၁၃)လမ်းရှိ အောင်မြေသာအခြေခံပညာမူလွန်ကျောင်းသို့ ထပ်မံသွားရောက်၍ ဆရာ/ဆရာမ၊ ကျောင်းသား /ကျောင်းသူ (၇၃)ဦးတို့အားလည်း ဌာန၏ စားသုံးသူကာကွယ်ရေးဥပဒေပါ ပြဋ္ဌာန်းချက်များကို စားသုံးသူပြည်သူများကျယ်ကျယ်ပြန့်ပြန့်သိရှိနိုင်စေရေး၊ စားသုံးသူအခွင့်အရေးများအပြည့်အဝရရှိရေး၊ စားသုံးသူအခွင့်အရေးနှင့် စားသုံးသူတာဝန်များအကြောင်းတို့နှင့်ပတ်သက်၍ အသိပညာများပေးခဲ့ကြောင်းသိရှိရပါသည်။
DOCA(ပဲခူး)