မကွေးတိုင်းဒေသကြီးသည် မြန်မာနိုင်ငံ၏ ဆီအိုးကြီးဟု တင်စားရလောက်အောင် ဆီထွက်သီးနှံ နှမ်း၊ မြေပဲတို့အား အဓိကထားစိုက်ပျိုးကြသော်လည်း စပါးကို စိုက်ပျိုးမှုနည်းပါးသဖြင့် ဒေသတွင်း ဝမ်းစာဖူလုံမှုမရှိ၍ စပါး၊ အဓိကစိုက်ပျိုးထွက်ရှိရာ အခြားတိုင်းဒေသကြီး/ ပြည်နယ်များမှ တင်သွင်းရပါသည်။
၂၀၂၃ ခုနှစ် ဇူလိုင်လအတွင်း စပါးအဓိကစိုက်ပျိုးထွက်ရှိသည့် ဧရာဝတီတိုင်းမှ ဆန်(၂၁၅၆၇) အိတ်၊ ရန်ကုန်တိုင်းမှ (၁၄၂၀)အိတ်၊ ပဲခူးတိုင်းမှ (၁၁၂၀)အိတ်၊ မန္တလေးတိုင်းမှ (၂၀၈၀)အိတ် စုစုပေါင်း (၂၆၁၈၇) အိတ်(၁၃၀၉.၃၅)တန် ဝင်ရောက်ခဲ့ပြီး ဒေသတွင်း လက်ရှိအရောင်းအဝယ်ဖြစ်နေသော ဆန် ဈေးနှုန်းမှာ ပွင့်ဖြူ ဧရာပဒေသာ(သစ်) (၂၄)ပြည်တစ်အိတ်လျှင် (၁၃၈၀၀၀-၁၄၀၀၀၀)ကျပ်၊ မနောသုခ (မြောင်းမြ)(သစ်)(၂၄)ပြည် တစ်အိတ်လျှင် (၈၅၀၀၀-၉၂၀၀၀)ကျပ်၊ ဖန်သီး(၂၄)ပြည် တစ်အိတ်လျှင် (၉၀၀၀၀-၉၄၀၀၀)ကျပ်၊ မြောင်းမြ ဧရာပဒေသာ(သစ်) (၂၄)ပြည် တစ်အိတ်လျှင် (၁၀၅၀၀၀-၁၁၅၀၀၀) ကျပ်၊ ပေါ်ဆန်မွှေး(မြောင်းမြ) (၂၄)ပြည် တစ်အိတ်လျှင် (၁၀၀၀၀၀-၁၁၇၀၀၀)ကျပ်၊ ရွှေဘို(ပေါ်ဆန်း) (၂၄)ပြည် တစ်အိတ်လျှင်(၁၄၀၀၀၀-၁၄၅၀၀၀)ကျပ် သီးထပ် (၂၄)ပြည် တစ်အိတ်လျှင် (၇၀၀၀၀-၇၅၀၀၀) ကျပ်၊ ရတနာတိုး (၂၄)ပြည် တစ်အိတ်လျှင် (၆၅၀၀၀-၇၀၀၀၀)ကျပ်နှင့် ဆလပ် (၂၄)ပြည် တစ်အိတ်လျှင် (၆၀၀၀၀-၆၅၀၀၀)ကျပ်တို့ဖြင့် အသီးသီး အရောင်းအဝယ်ဖြစ်လျက်ရှိကြောင်း လေ့လာသိရှိရပါသည်။
DOCA(မကွေး)