ကယားပြည်နယ်၊ လွိုင်ကော်မြို့တွင် ရာသီစာသီးနှံများ လှိုင်လှိုင်ပေါများချိန်ဖြစ်ပါသည်။ နာနတ်သီးသည် အရည်ရွမ်းသည့်သီးနှံတမျိူးဖြစ်သည့်အတွက် ကလေးလူကြီးများပါမကျန် အကြိုက် တွေ့စေသောအသီးလည်းဖြစ်သည်။ နာနတ်သီးကို ရှမ်းပြည်နယ်တောင်ပိုင်း ဆီဆိုင်မြို့နှင့် ဆိုက်ခေါင် မြို့နယ်တို့မှ အများဆုံးတင်သွင်းလျက်ရှိပြီး ဈေးနှုန်းမှာလည်းအသင့်အတင့်ရှိပါသည်။ ဈေးကွက် အတွင်းဖြစ်ပေါ်နေသော နာနတ်သီးဈေးနှုန်းမှာ အရွယ်အစားအလိုက်(၁)လုံးကို(၇၀၀)ကျပ်၊ (၈၀၀) ကျပ်ဖြင့်အရောင်းအဝယ်ဖြစ်လျက်ရှိပါကြောင်း ဆိုက်ခေါင်မြို့နယ်မှ သီရိမင်္ဂလာဈေးတွင် ကားဖြင့် လာရောက်ရောင်းချသော နာနတ်သီးစိုက်တောင်သူတစ်ဦးထံမှ သိရှိရပါတယ်။
DOCA(ကယား)