အောင်လံကုန်စည်ဒိုင်တွင် နှမ်းဈေးကွက်အနေဖြင့် သီးနှံအသစ်များဝင်ရောက်လျက်ရှိပြီး (၄၅) ပိဿာဝင်(၁)အိတ်လျှင် ယခင်အပတ် (၂၃.၈.၂၀၂၃)ရက်နေ့တွင် နှမ်းနက်(စမုံ)မှာ ကျပ်(၃၁၀၀၀၀ မှ ၃၅၀၀၀၀) ဖြစ်ပြီး ယခုအပတ် (၂၉.၈.၂၀၂၃)ရက်နေ့တွင် ကျပ်(၂၈၅၀၀၀ မှ ၃၅၀၀၀၀)ဖြစ်၍ ကျပ်(၂၅၀၀၀) ဈေးလျော့ခဲ့ ပါသည်။ နှမ်းနီမှာ ယခင်အပတ်တွင် ကျပ်(၃၁၅၀၀၀)ဖြစ်ပြီး ယခုအပတ်တွင်လည်း ကျပ်(၃၁၅၀၀၀) ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် နှမ်းနက်(စမုံ)(၂၃၀၀)အိတ်၊ နှမ်းနီ (၅၂၀)အိတ်တို့အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှ သိရှိခဲ့ရပါသည်။
ပဲမျိုးစုံဈေးကွက်တွင် မတ်ပဲ(၂၀)ပိဿာ(၁)တင်းလျှင် ယခင်အပတ်တွင် ကျပ်(၇၆၅၀၀) ဖြစ်ပြီး ယခုအပတ်တွင် ကျပ်(၇၇၀၀၀)ဖြစ်၍ ကျပ်(၅၀၀)ဈေးမြင့်ခဲ့ကြောင်း၊ ကုလားပဲ(H-L) ယခင် အပတ်တွင်ကျပ်(၉၂၀၀၀)ဖြစ်ပြီး ယခုအပတ်တွင်ကျပ်(၉၃၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ပဲကြီးယခင်အပတ်တွင် ကျပ်(၉၅၀၀၀ မှ ၉၉၀၀၀)ဖြစ်ပြီး ယခုအပတ်တွင် ကျပ်(၉၅၀၀၀ မှ ၁၀၀၀၀၀) ဖြစ်၍ ကျပ်(၁၀၀၀)စသည်ဖြင့် အသီးသီးဈေးမြင့်ခဲ့ပါသည်။ ကုလားပဲ(မြကြေး)မှာ ယခင်အပတ်တွင် ကျပ်(၉၂၀၀၀)ဖြစ်ပြီး ယခုအပတ်တွင်လည်း ကျပ်(၉၂၀၀၀)ဖြစ်၍ ဈေးနှုန်းပြောင်းလဲမှုမရှိဘဲ ပဲတီစိမ်း ယခင်အပတ်တွင်ကျပ်(၄၅၀၀၀ မှ ၅၃၀၀၀)ဖြစ်ပြီး ယခုအပတ်တွင်ကျပ်(၄၃၀၀၀ မှ ၅၃၀၀၀)ဖြစ်၍ ကျပ်(၂၀၀၀)ဈေးလျော့ခဲ့ကြောင်း၊ ပဲစဉ်းငုံနီ ယခင်အပတ်တွင်ကျပ်(၁၁၃၀၀၀)ဖြစ်ပြီး ယခုအပတ်တွင် ကျပ်(၁၁၀၀၀၀)ဖြစ်၍ ကျပ်(၃၀၀၀)ဈေးလျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင် အိတ်များဖြင့် မတ်ပဲ (၂၂၀)အိတ်၊ ကုလားပဲ(H-L)(၄၀၀)အိတ်၊ ကုလားပဲ(မြကြေး)(၃၃၀)အိတ်၊ ပဲကြီး (၃၆၀)အိတ်၊ ပဲတီစိမ်း(၉၀၀)အိတ်၊ ပဲစဉ်းငုံနီ(၃၂၀)အိတ်တို့ အရောင်းအဝယ်ရှိခဲ့ပါသည်။
မြေပဲလုံးဆံဖြူမှာ (၁)ပိဿာလျှင် ယခင်အပတ်တွင် ကျပ်(၇၄၀၀)ဖြစ်ပြီး ယခုအပတ်တွင် ကျပ်(၆၉၀၀ မှ ၇၀၀၀)ဖြစ်၍ ကျပ်(၄၀၀ မှ ၅၀၀)ဈေးလျော့ခဲ့ကြောင်း၊ မြေပဲလုံးဆံနီ (၁)ပိဿာလျှင် ယခင်အပတ်တွင်ကျပ်(၉၄၀၀)ဖြစ်ပြီး ယခုအပတ်တွင်ကျပ်(၉၀၀၀)ဖြစ်၍ ကျပ်(၄၀၀)ဈေးလျော့ခဲ့ကြောင်း၊ မြေပဲတောင့်အစို(၁)တင်းလျှင် ယခင်အပတ်တွင်ကျပ်(၂၃၀၀၀မှ ၂၅၀၀၀)ဖြစ်ပြီး ယခု အပတ်တွင် ကျပ်(၁၈၀၀၀ မှ ၁၉၀၀၀)ဖြစ်၍ ကျပ်(၅၀၀၀ မှ ၆၀၀၀) စသည်ဖြင့် အသီးသီးဈေးလျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆံဖြူ(၄၃၀)အိတ်၊ မြေပဲလုံးဆံနီ (၁၇၀)အိတ်၊ မြေပဲတောင့်အစို တင်း(၃၇၀၀)ခန့် အရောင်းအဝယ်ရှိခဲ့ပါကြောင်းနှင့် နှမ်း၊ ပဲမျိုးစုံသီးနှံများအား ရန်ကုန်မြို့နှင့် မန္တလေးမြို့များသို့ တင်ပို့ရောင်းချရပါကြောင်း အောင်လံကုန်စည်ဒိုင်မှ သိရှိရပါသည်။
DOCA(မကွေး)