ပြည်ခရိုင်၊ ရွှေတောင်မြို့နယ်တွင် ယခုလိုမိုးရာသီအချိန်တွင် နှင်းဆီပန်း မျိုးစုံစိုက်ပျိုး ထွက်ပေါ်လာပြီး ထိုနှင်းဆီပန်းများထဲတွင် မြန်မာရေမွှေးနှင်းဆီလည်း အပါအဝင်ဖြစ်ပါသည်။ မြန်မာ ရေမွှေးနှင်းဆီ အနံ့သည် မွှေးကြိုင်သင်းပျံ့သောအနံ့ရှိပြီး ဘုရားပန်းအဖြစ် ကပ်လှူပူဇော်လျှင် ဘုရားခန်းတွင်မွှေးကြိုင်ပြီး ဘုရားရှိခိုးလျှင် အလွန်စိတ်ကြည်နူးစရာကောင်းပါသည်။ မြန်မာရေမွှေးနှင်းဆီပန်းသည် အပွင့်သေးငယ်၍ ဘုရားကပ်လှူထားလျှင် (၃)ရက်မှ (၅)ရက်အထိ အထားခံကြောင်း သိရပါသည်။
ရွှေတောင်မြို့နယ်တွင် ရေမွှေးနှင်းဆီအပြင် အခြားနှင်းဆီပန်းများလည်း စိုက်ပျိုးကြသဖြင့် စီးပွားဖြစ်ပန်းစိုက်ခင်းများရှိပါသည်။ ရေမွှေးနှင်းဆီမှာ မွေးသောရနံ့ရှိသဖြင့် လူအများအကြိုက် တွေ့သောပန်းဖြစ်သဖြင့် ဈေးကွက်တွင် အရောင်းအဝယ်သွက်လျက်ရှိပါသည်။ ဈေးကွက်အနေဖြင့် လက်ကားဈေးသည်များက ခြံအရောက်လာ၍ ဝယ်ယူကြခြင်း၊ ရွှေတောင်မြို့ရှိ ပန်းသည်များကလည်း ခြံများမှဝယ်ယူပြီး ပြည်မြို့ရှိ ဈေးကွက်များသို့ တင်ပို့ရောင်းချကြောင်းသိရပြီး အရောင်းအဝယ်သွက်လျက်ရှိကြောင်း သိရပါသည်။ ရောင်းဈေးအနေဖြင့် ရေမွှေးနှင်းဆီ (၁၀)ပွင့်ပါ တစ်စည်းလျှင် (၈၀၀)ကျပ်ဖြင့် ရောင်းချကြောင်း သိရှိရပါသည်။
DOCA(ပဲခူး)