ကွမ်းသီးဟုဆိုပါလျှင် ယခင်နှစ်များစွာက အရောင်းအဝယ်ပြုလုပ်ရာတွင် ကွမ်းသီးအမှည့်ရင့်ရင့်ကိုသာ ရောင်းဝယ်ဖောက်ကားလာခဲ့ကြပြီး ယခုနှစ်များတွင် ကွမ်းသီး(အနု)များပိုမို အရောင်းအဝယ်သွက်နေခဲ့ပါသည်။ သာယာဝတီခရိုင်အတွင်း၌ စိုက်ပျိုးထားသော ကွမ်းသီးပင် များမှာ စီးပွားဖြစ် စိုက်ပျိုးခြင်းမရှိသော်လည်း အိမ်ခြံဝန်းအတွင်း၊ ဘုန်းကြီးကျောင်းဝန်းခြံများ၊ ခြံစည်းရိုးများအဖြစ် စိုက်ပျိုးထားရှိသော တစ်နိုင်တစ်ပိုင်အပင်များမှ ကွမ်းသီးစိမ်းနုလေးများကို တစ်လုံးလျှင် ၂၀ ကျပ်မှ ၃၀ကျပ်အထိပေး၍ ဝယ်ယူလျက်ရှိရာ ဝယ်ယူသူများဘက်မှ ကိုယ်တိုင်ခူး စနစ်ဖြင့် ဝယ်ယူလျက်ရှိပါသည်။ ကွမ်းသီးအမှည့်ချိန်ထိ ထားရှိပြီးရောင်းချလျှင် အမှည့်မညီညာ၍ ကြွေကျခြင်းများရှိ၍ ရောင်းချမှုဘက်၌ အလေအလွင့်ရှိ၍ ကွမ်းသီးမှည့်ချိန်ရောင်းချမှုနှင့်လည်း ဈေးနှုန်းကွာဟမှု မရှိသဖြင့် ကွမ်းသီးစိမ်းအနုများကိုသာ ရောင်းဝယ်မှု သွက်နေပါကြောင်း သိရှိရပါ သည်။
DOCA(ပဲခူး)