မကွေးတိုင်းဒေသကြီး၊ ပခုက္ကူကုန်စည်ဒိုင်တွင် ပခုက္ကူဒေသမှ စိုက်ပျိုးထွက်ရှိသော ပဲစဉ်းငုံနီ၊ ကုလားပဲ၊ မတ်ပဲ၊ ပဲယင်း၊ စွန်တာနီ၊ ပဲလွန်းပြာနှင့် အခြားပဲမျိုးစုံအရောင်းအဝယ်ဖြစ်နေပါသည်။ ၂၀၂၃ခုနှစ်၊ ဩဂုတ်လ (စတုတ္ထပတ်) တွင် အရောင်းအဝယ်ဖြစ်လျက်ရှိသော ပဲဈေးနှုန်းများမှာ ပဲစဉ်းငုံနီတစ်တင်းလျှင် ကျပ်(၁၀၉၅၀၀-၁၁၀၀၀၀-၁၁၁၄၀၀)၊ ကုလားပဲဝါလုံးကြီး (929) တစ်တင်းလျှင် ကျပ် (၈၈၄၀၀)၊ ကုလားပဲဝါ (Hl) တစ်တင်းလျှင် ကျပ်(၈၇၅၀၀)၊ ပဲတီစိမ်းကြီးတစ်တင်းလျှင် အရည်အသွေးပေါ်မူတည်ပြီး ကျပ်(၄၅၀၀၀-၅၂၀၀၀)၊ ပဲဇီးကွက်တစ်တင်းလျှင် ကျပ်(၅၀၀၀၀)၊ ပဲနောက်စိမ်းသေးတစ်တင်းလျှင် ကျပ်(၅၅၄၀၀)၊ ပြောင်းဖူးစေ့ (CP) တစ်တင်းလျှင် ကျပ်(၂၁၀၀၀)၊ နှမ်းဝါ (ပြင်) တစ်တင်းလျှင် ကျပ်(၁၁၇၀၀၀)၊ နှမ်းဝါ (ယော) တစ်တင်းလျှင် ကျပ် (၁၁၀၀၀၀)၊ မန်ကျည်းတောင့်တစ်ပိဿာလျှင် ကျပ်(၇၅၀)ဖြင့် ဥပုသ်နေ့မှလွဲ၍ နေ့စဉ် ကုန်စည်ဒိုင်တွင်အရောင်းအဝယ်ဖြစ်နေပါသည်။
ယခုအပတ်၏ အရောင်းအဝယ်ဖြစ်မှုအိတ်ရေမှာ ပဲစဉ်းငုံနီ (၁၅၀၀)အိတ်၊ ကုလားပဲ ဝါလုံးကြီး (929) (၃၀၀)အိတ်၊ ကုလားပဲဝါ (Hl) (၂၀၀)အိတ်၊ ပဲတီစိမ်းကြီး (၂၁၀၀)အိတ်၊ ပဲဇီးကွက် (၃၀၀)အိတ်၊ ပြောင်းဖူးစေ့(CP) (၁၀၀၀)အိတ်၊ နှမ်းဝါ(ပြင်)(၃၀၀)အိတ်၊ နှမ်းဝါ(ယော)(၃၀၀)အိတ်နှင့် မန်ကျည်းတောင့်ကုန်ချိန်(၅၀၀၀)ကျော်အရောင်းအဝယ်ဖြစ်နေပြီး တင်ပို့မှုအနေဖြင့် မြန်မာပြည်အောက်ပိုင်းနှင့် ပြည်ပနိုင်ငံများသို့တင်ပို့နေကြောင်း ကုန်သည်များထံမှသိရှိရပါသည်။
DOCA(မကွေး)