အခြေခံစားသောက်ကုန်များ ဈေးမြင့်တက်လာခြင်းနှင့်အတူ စားသုံးသူများအနေဖြင့်ဈေးနှုန်း သင့်တင့်သော ကုန်စည်များကို ရွေးချယ်ဝယ်ယူစားသုံးလာသကဲ့သို့ ရောင်းချသူများအနေဖြင့်လည်း မိမိတို့၏ ကုန်စည်များကို နည်းလမ်းများရှာကြံ၍ ပုံစံအမျိုမျိုးဖြင့် ရောင်းချလာကြသည်။
ဘားအံမြို့ ရေပေါ်ဈေးတွင် အရောင်းအဝယ်ဖြစ်လျက်ရှိသော ကြက်ဥဘဲဥ ဈေးနှုန်းများမှာ ကြက်ဥ တစ်လုံး ၃၀၀ ကျပ်၊ ဘဲဥ တစ်လုံး ၄၀၀ ကျပ်ဖြစ်ပြီး အခွန်လွတ်ဈေးများတွင်မူ ကြက်ဥ တစ်လုံး ၂၇၀ ကျပ် ဘဲဥ တစ်လုံး ၃၅၀ ကျပ်ဖြင့် ပုံမှန် အရောင်းအဝယ်ဖြစ်နေသော်လည်း ၁ လုံးလျှင် ၄၅၀ ကျပ်၊ ၅၀၀ ကျပ် ထိဈေးရသော တောဘဲဥများကိုလည်း ဈေးသည်များက ရောင်းချလာသကဲ့သို့ တောဘဲဥကို သီးသန့်ဝယ်ယူစားသုံးသော စားသုံးသူများလည်း ရှိလာခဲ့ကြသည်။
တောဘဲဥဆိုသည်မှာ ဥစားဘဲမဟုတ်ဘဲ အကောင်ပေါက်နိုင်သော ဘဲများမှ ဥသောဥများ ဖြစ်ပြီး အရပ်အခေါ် တောဘဲဥဟု ခေါ်ဆိုခြင်းဖြစ်ပြီး အဆိုပါဘဲများ၏ ဥများသည် မွေးမြူရေးဥစားဘဲ၏ ဥများထက်အနည်းငယ်ကြီးကြောင်းနှင့် ၎င်းဘဲများကို ဝင်းကျယ်ခြံကျယ်နှင့် စီးပွားဖြစ် တစ်အုပ်တစ်မ မွေးမြူခြင်းမဟုတ်ဘဲအသားစားရန်နှင့် ဥစားရန် တစ်ပိုင်တစ်နိုင်မွေးမြူကြကြောင်း သိရသည်။
DOCA(ကရင်)