ဧရာဝတီတိုင်းဒေသကြီး၊ အိမ်ခြံမြေဝန်ဆောင်မှုအသင်း (၂၀၂၃-၂၀၂၄) အလုပ်အမှုဆောင်ရွေးချယ်တင်မြှောက်ပွဲအခမ်းအနားကို ပုသိမ်မြို့၊ မဟာဗန္ဓုလလမ်း JJ Restaurant ၌ ဩဂုတ်လ (၂၉) ရက်နေ့တွင် ကျင်းပပြုလုပ်ခဲ့ပါသည်။
မြန်မာနိုင်ငံအိမ်ခြံမြေဝန်ဆောင်မှုအသင်း(ရန်ကုန်)မှ ဗဟိုဥက္ကဋ္ဌကြီး ဦးခင်မောင်သန်းက အဖွင့်အမှာစကားပြောကြား၍ အစီအစဉ်အရ ဧရာဝတီတိုင်းဒေသကြီး၊ အိမ်ခြံမြေဝန်ဆောင်မှုအသင်းဥက္ကဋ္ဌကြီး ဦးသန့်ဇင်နှင့် CEC/EC အဖွဲ့ဝင်ဟောင်းများနုတ်ထွက်ကြောင်းကြေညာခဲ့ပြီး (၂၀၂၃-၂၀၂၆) အိမ်ခြံမြေဝန်ဆောင်မှုအသင်းအတွက် အမှုဆောင်သစ်များရွေးချယ်ခြင်းကို အသင်းဝင်အားလုံးက ပွင့်လင်းမြင်သာစွာ မိမိတာဝန်ထမ်းဆောင်နိုင်သည့်နေရာကို မိမိကိုယ်တိုင်ဆန္ဒအရ အဆိုပြုတင်သွင်း၍ အသင်းသားများ၏ သဘောထားဆန္ဒနှင့်အညီ CEC/EC များရွေးချယ်ခဲ့ပါသည်။
ဆက်လက်၍ မြန်မာနိုင်ငံအိမ်ခြံမြေဝန်ဆောင်မှုအသင်း (ဧရာဝတီတိုင်းဒေသကြီး) အသင်းကို အသင်းသားအားလုံး၏ သဘောထားဆန္ဒနှင့်အညီ ယခင်ဥက္ကဋ္ဌဟောင်း ဦးသန့်ဇင်အား (၂၀၂၃-၂၀၂၆) သက်တမ်းအတွက် အသင်းအဖွဲ့စည်းမျဉ်းစည်းကမ်းများနှင့်အညီ ဥက္ကဋ္ဌအဖြစ် ပြန်လည်ရွေးချယ်ခဲ့ကြောင်းသိရပါသည်၊၊
DOCA(ဧရာဝတီ)