ပဲခူးတိုင်းဒေသကြီးတွင် နှစ်စဉ်ရာသီအလိုက် သီးနှံများထွက်ရှိ ရောင်းချလျက်ရှိရာ ယခုနှစ် တွင် သီးနှံဈေးကွက်အတွင်း ဖရဲသီးဈေးကွက်၌ ဝယ်လိုအားကောင်းပြီး ဈေးကောင်းရရှိလျက် ရှိကြောင်း ဖရဲသီးရောင်းချသူများထံမှ သိရပါသည်။
ဖရဲသီးကို ပုံမှန်အားဖြင့် ပဲခူးမြို့နှင့်ပတ်ဝန်းကျင် ခရမ်းမြို့၊ ဝေါမြို့၊ ညောင်လေးပင်မြို့၊ ဒိုက်ဦးမြို့များတွင် စိုက်ပျိုးပြီး ယခုနှစ်တွင် စိုက်ပျိုးမှုနည်းသွားကြောင်း သိရှိရပါသည်။ ဖရဲကို ပဲခူး ဈေးကွက်နှင့်ရန်ကုန်ဈေးကွက်သို့ အဓိကတင်ပို့နေရပြီး ယခုနှစ်တွင် သယ်ယူပို့ဆောင်စရိတ် မြင့်မားခြင်း၊ စိုက်ပျိုးထုတ်လုပ်စရိတ်မြင့်မားလာတာကြောင့် ယခင်နှစ်က ရောင်းချနေရသည့် ဈေးက အရွယ်အစားအလိုက် တစ်လုံး(၈၀၀) ကျပ်ကနေ (၄၀၀၀)ကျပ်အထိသာဈေးရခဲ့ပေမဲ့ ယခုနှစ်တွင် ကုန်ဈေးနှုန်းမြင့်တက်နေမှုများကြောင့် ဖရဲအလုံးသေးတစ်လုံးကို (၂၀၀၀)ကျပ်ကနေ အလုံးကြီး တစ်လုံးကို (၆၀၀၀-၇၀၀၀)ကျပ်အထိ ဈေးရရှိနေကြာင်း သိရှိရပါသည်။
ပဲခူးတိုင်းဒေသကြီးအတွင်း ဖရဲသီးစိုက်ပျိုးထုတ်လုပ်မှု လျော့ကျခဲ့သော်လည်း စိုက်ပျိုးထုတ်လုပ်သည့်တောင်သူများ အကျိုးအမြတ်ရရှိပြီး ဈေးနှုန်းဈေးကွက် မြင့်မားနေသော်လည်း ရောင်းအား ကောင်းလျက်ရှိကြောင်း သိရှိရပါသည်။
DOCA(ပဲခူး)