၂၀၂၃ခုနှစ်၊ စက်တင်ဘာလ (ပထမပတ်) တွင် ပြည်ဒေသရှိဈေးတို့၌ ရာသီချိန်မဟုတ်ဘဲ မုန်လာဥ(အဖြူ)များရောင်းချနေသည်ကိုတွေ့ရပါသည်။ မုန်လာဥ(အဖြူ)သည် အေးသောရာသီဥတုကိုကြိုက်နှစ်သက်ပြီး ပုံမှန်ထွက်ပေါ်ချိန်မှာ ဆောင်းရာသီတွင် ထွက်ပေါ်ပါသည်။ သို့သော်လည်း ယခုကဲ့သို့အချိန်တွင် ထွက်ပေါ်သောမုန်လာဥမှာ ရေလောင်း၍စိုက်ပျိုးထားသော မုန်လာဥများဖြစ်ပြီး စိုက်ပျိုးသည့်ဒေသမှာ မှော်ဇာဘက်ရှိ ကျေးရွာများတွင်စိုက်ပျိုးကြောင်းသိရပါသည်။ ရေလောင်း၍စိုက်ပျိုးသော မုန်လာဥ (အဖြူ)ကို ဧကပြတ်စိုက်ပျိုးခြင်းမရှိဘဲ အနည်းငယ်သာစမ်းသပ်၍ စိုက်ပျိုးကြောင်းသိရပါသည်။ အချိန်အခါမဟုတ်ဘဲ ထွက်ပေါ်သောအသီးအနှံများမှာ ဈေးကောင်းရခြင်းတို့ကြောင့် တောင်သူများမှာ ရေလောင်း၍စိုက်ပျိုးကြသော်လည်း နည်းပညာများအောင်မြင်မှုမရှိသဖြင့် ထွက်ပေါ်လာသည့်သီးနှံများမှာ ရောင်းတန်းသာဝင်၍း အရသာမှာ ရာသီချိန်တွင် ထွက်ပေါ်သောသီးနှံများကဲ့သို့ အရသာမရှိဘဲ ဖြစ်တတ်ပါသည်။ ထို့ကြောင့် ဆယ်နှစ်လရာသီ တစ်နှစ်ပတ်လုံး သီးနှံများထွက်ပေါ်လာအောင် မျိုးကောင်းမျိုးသန့်ရွေးချယ်ခြင်း၊ စိုက်နည်းစနစ်မှန်ကန်အောင်စိုက်ပျိုးခြင်း၊ နည်းပညာများရယူခြင်း၊ သွင်းအားစုများကို အချိုးကျနစွာအသုံးပြုခြင်း စသည်ဖြင့် နည်းလမ်းမှန်ကန်စွာအသုံးပြုမည်ဆိုလျှင် ရာသီချိန်မဟုတ်ဘဲ တစ်နှစ်ပတ်လုံး သီးနှံများထွက်ရှိ၍ ဝယ်ယူစားသုံးနိုင်မည်ဖြစ်ပါသည်။
ပြည်ဒေသရှိ ဈေးကွက်များတွင်ရောင်းချလျက်ရှိသော မုန်လာဥ (အဖြူ)ဈေးမှာ ဩဂုတ်လ၊ တတိယပတ်တွင် (၅)လုံးပါ အတွဲတစ်တွဲလျှင် (၃၀၀)ကျပ်ဖြင့် ရောင်းချလျက်ရှိရာ စားသုံးသူများအနေဖြင့်လည်း ရာသီချိန်မဟုတ်သော်လည်း ဝယ်ယူစားသုံးကြသဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။
DOCA(ပဲခူး)