ခရီးသွားလုပ်ငန်းသည် နိုင်ငံတော်အတွက် အရေးပါသော စီးပွားရေးလုပ်ငန်းဖြစ်သလို အလုပ်အကိုင်ရှာဖွေပေးရာ၌လည်း အဓိကကျသော လုပ်ငန်းတစ်ခုဖြစ်သဖြင့် မြန်မာ့စီးပွားရေးတွင် အရေးပါသော အခြေခံအဆောက်အဦးတစ်ခုဖြစ်သည်။ မြန်မာ့ခရီးသွားလုပ်ငန်းတွင် အထင်ကရ ဖြစ်သော ငပလီကမ်းခြေသည် ရခိုင်ပြည်နယ်၊ သံတွဲမြို့နယ်၊ ငပလီ ပင်လယ်ကမ်းရိုးတန်းတွင် တည်ရှိပြီး လေကြောင်း၊ ရေကြောင်း၊ ကုန်းကြောင်းတို့ဖြင့် လွယ်ကူစွာ သွားလာနိုင်ပါသည်။ ငပလီ ကမ်းခြေဒေသ၌ ဟိုတယ်နှင့်ခရီးသွားညွှန်ကြားရေးမှုဦးစီးဌာနမှ လုပ်ငန်းလိုင်စင် ရယူထားသော ဟိုတယ်နှင့်တည်းခိုရိပ်သာ (၆၅)လုံးရှိပြီး၊ အခန်းပေါင်း (၂၀၅၆)ခန်းရှိသဖြင့် နေ့စဉ်ဧည့်သည် (၃၈၀၀)ဦးခန့် တည်းခိုနိုင်ပါသည်။
ကမ္ဘာ့ကိုဗစ် (၁၉)လှိုင်းဒဏ်ကြောင့် (၂)နှစ်ခန့် ခရီးသွားလုပ်ငန်း ရပ်တန့်နေရာမှ လက်ရှိအချိန်၌ ကျန်းမာရေးဝန်ကြီးဌာနမှ သတ်မှတ်ထားသော ကိုဗစ်(၁၉) စည်းကမ်းချက်များနှင့်အညီ ဟိုတယ်နှင့်တည်းခိုရိပ်သာ(၃၉)လုံး၊ အခန်းပေါင်း (၁၃၂၃)ခန်းကို ပြန်လည် ဖွင့်လှစ်ခွင့်ပြုထားခဲ့ပြီးဖြစ်သဖြင့် ငပလီခရီးသွားလုပ်ငန်းအတွက် ဟိုတယ်နှင့်ခရီးသွားဝန်ကြီးဌာန၊ ပြည်ထောင်စုဝန်ကြီးကိုယ်တိုင် ငပလီဆောင်းဦးပွဲတော်အား (၁၄-၁၁-၂၀၂၁)ရက်နေ့၌ ဖွင့်လှစ်ပေးခဲ့ပြီးဖြစ်ရာ ကမ်းခြေခရီးသွားလုပ်ငန်း ပြန်လည်နိုးထလာခြင်းနှင့်အတူ ဒေသခံပြည်သူများလည်း အလုပ်အကိုင်အခွင့်အလမ်းများ ရရှိလာကြပါသည်။
သို့ဖြစ်ပါ၍ မြန်မာနိုင်ငံတွင်သာမက ကမ္ဘာ၌လည်း ထင်ရှားသော သဘာဝအလှပိုင်ရှင်တစ်ခုဖြစ်သည့် ငပလီကမ်းခြေဝယ် သဲသောင်ပြင် လမ်းလျှောက်ကာ ပင်လယ်ပြာပေါ်မှ ဖြတ်သန်းလာသော လတ်ဆတ်သည့် လေပြေ အေးလေးကို တဝကြီး ရှုရှိုက်ရင်း နေဝင်ချိန်(Sunset)ကို ရှုမငြီးဖွယ် ကြည့်ရှုလျှက် ပီတိယူနိုင်ဖို့ ဖိတ်ခေါ်လိုက်ရပါသည်။
စားသုံးသူရေးရာဦးစီးဌာန(ရခိုင်ပြည်နယ်)