ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ ၂၀၂၃ခုနှစ်၊ (၁၁-၉-၂၀၂၃) ရက်နေ့၊ နံနက် (၀၉:၃၀) နာရီအချိန်တွင် ကျင်းပပြုလုပ်သည့် (၂/၂၀၂၃) ဝန်ထမ်းစွမ်းဆောင်ရည်မြှင့်တင်ရေးသင်တန်းကို ဒုတိယတိုင်းဒေသကြီး ဦးစီးမှူး ဦးထွန်းထွန်းက (၁၁-၉-၂၀၂၃) ရက်နေ့နှင့် (၁၂-၉-၂၀၂၃) ရက်နေ့၊ စုစုပေါင်း (၂) ရက် သင်ကြားမည်ဖြစ်ပါကြောင်းနှင့် ဝန်ထမ်းများ စွမ်းဆောင်ရည်မြှင့်မားစေရန်ရည်ရွယ်ပါကြောင်း အဖွင့်အမှာစကားပြောကြား၍ ဖွင့်လှစ်ခဲ့ပါသည်။
ဆက်လက်၍ (၁၁-၉-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စီမံရေးရာဌာနခွဲတာဝန်ခံ ဦးစီးအရာရှိ ဒေါ်မိုးမိုးခိုင်က ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ အမှုထမ်းများအား ဝန်ထမ်းများစွမ်းဆောင်ရည်မြှင့်မားစေရန်နှင့် ဌာနအချင်းချင်း ချိတ်ဆက်ဆောင်ရွက်ရာတွင် စာရေးသားနည်းများသိရှိစေရန်ရည်ရွယ်၍ ရုံးလုပ်ငန်းလက်စွဲပါ အခန်း (၈) စာပေးစာယူနှင့်ပတ်သက်သော ဝန်ထမ်များသိသင့်သိထိုက်သည့်အကြောင်းအရာတို့ကိုလည်းကောင်း၊ နေ့လယ် (၁၂:၃၀) နာရီအချိန်တွင် ငွေစာရင်းဌာနခွဲတာဝန်ခံ ဦးစီးအရာရှိ ဒေါ်စောမို့မို့က ငွေစာရင်းဆိုင်ရာကိစ္စရပ်များ၊ ဘဏ္ဍာရေးကျင့်စဉ်များ၊ ခရီးစရိတ်အမျိုးအစား၊ ပစ္စည်းဝယ်ယူခြင်းတို့နှင့်ပတ်သက်သည့် အကြောင်းအရာတို့ကိုလည်းကောင်း၊ နေ့လယ် (၁၄:၀၀) နာရီအချိန်တွင် မူဝါဒလေ့လာရေးနှင့်စီမံကိန်းစာရင်းအင်းဌာနခွဲနှင့် ပြည်တွင်းကုန်သွယ်မှုဖွံ့ဖြိုးရေးဌာနခွဲတာဝန်ခံ ဦးစီးအရာရှိ ဦးလှိုင်ထွဋ်ကလည်း ပြည်တွင်းကုန်သွယ်မှုကဏ္ဍနှင့်ပတ်သက်သည့် အကြောင်းအရာများကို Power Point ဖြင့် အသီးသီးသင်တန်းပို့ချခဲ့ကြကြောင်းသိရှိရပါသည်။
DOCA(ဧရာဝတီ)