၂၀၂၂-၂၀၂၃ ဘဏ္ဍာနှစ်အတွင်း ကရင်ပြည်နယ်တွင် စိုက်ပျိုးသောမိုးစပါးများအနက် ဘားအံခရိုင်၊ ဘားအံမြို့နယ်၊ ခနိမ်းဒိုကျေးရွာတွင်း စိုက်ပျိုးသော ဒေသဝမ်းစာစပါးများစတင်ထွက်ရှိပြီဖြစ်ကြောင်း သိရသည်။
ယခုထွက်ရှိသော စပါးမှာ စပါးမွှေးခေါ် ခေါက်မလိ စပါးများဖြစ်ကြောင်းနှင့် ဝမ်းစာအတွက် တောင်သူများ စိုက်ပျိုးသော စပါးများဖြစ်ကြောင်း၊ စပါးတင်းတစ်ရာလျှင် ၂၆ သိန်းခန့်ပေါက်ဈေးရှိကြောင်း သိရသည်။
စာရင်းဇယားများအရ ကရင်ပြည်နယ်တွင် ၂၀၂၂-၂၀၂၃ ဘဏ္ဍာနှစ်အတွင်း မိုးစပါးလျာထား စိုက်ပျိုးဧက ပြည်နယ်ချုပ်၄၂၅၈၈၄ဧကရှိပြီး မိုးစပါးစိုက်ပျိုးကာလမှာ မေလလယ်မှ ဇူလိုင်လကုန်အထိဖြစ်ကြောင်းနှင့် စပါးပေါ်ချိန်မှာ အောက်တိုဘာမှနိုဝင်ဘာဖြစ်ကြောင်း သိရသည်။ ကရင်ပြည်နယ်တွင် စပါးစိုက်ပျိုးတောင်သူများအနေဖြင့် အရောင်းအဝယ်အတွက်ဒေသနှင့် ကိုက်ညီသော ဆင်းသုခစပါးကိုအများဆုံးစိုက်ပျိုးကြသည့်အပြင် အိမ်စားရန်နှင့် ဝမ်းစာသိုလှောင်ရန်အတွက် ယခုကဲ့သို့ ဧည့်မထမျိုးဝင် ဆန်ပျော့များကိုလည်း စိုက်ပျိုးကြကြောင်း ယခုပေါ်သော စပါးများမှာ ရက် ၉၀ စပါးဖြစ်ပြီး ပုံမှန်ချိန်ထက်စော၍ ထွက်ရှိသော ကောက်စောစပါးဖြစ်ကြောင်း သိရသည်။
DOCA(ကရင်)