၂၀၂၃ခုနှစ်၊ စက်တင်ဘာလ ၁၃ရက်နေ့တွင် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနမှ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့၊ အမှတ်(၃)ရပ်ကွက်ရှိ “ကျွန်းတောမိသားစု(၂)” ဆီစက်လုပ်ငန်းရှင်နှင့် ကွင်းဆင်းတွေ့ဆုံဆွေးနွေးခဲ့ပါသည်။
ဦးစွာ ကန့်ဘလူမြို့နယ်တာဝန်ခံ ဦးမျိုးဝင်းသန်းက လာရောက်တွေ့ဆုံရခြင်း၏ ရည်ရွယ်ချက်ကိုရှင်းပြရာ စားသုံးရေးရာဦးစီးဌာနသည် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက်လည်းကောင်း၊ ဒေသတွင်းရှိ MSME လုပ်ငန်းများ ဖွံ့ဖြိုးတိုးတက်ရေးမှာလည်း မိမိတို့တတ်နိုင်သည့်နေရာမှ ပါဝင်ကူညီအားပေးဆောင်ရွက်လျက်ရှိကြောင်း၊ လုပ်ငန်းရှင်များ၏လိုအပ်ချက်များ၊ အခက်အခဲများကို အထက်အဆင့်ဆင့်သို့တင်ပြ၍ ပေါင်းစပ်ညှိနှိုင်းဆောင်ရွက်ပေးလျက်ရှိကြောင်း ဆွေးနွေးပြောကြားခဲ့ရာ လုပ်ငန်းရှင်ကလည်း မိမိတို့လုပ်ငန်းမှာ မိသားစုတစ်နိုင်တစ်ပိုင်လုပ်ငန်းဖြစ်ပြီး နဝလီကြိတ်ခွဲသည့်စက်ဖြစ်ကြောင်း၊ ယခုအချိန်သည် မိုးမြေပဲရာသီဖြစ်သဖြင့် ခဏသာကြိတ်ခွဲရကြောင်း၊ လုပ်ငန်းရှင်များအနေဖြင့် မိမိဆီစက်မှထွက် ရှိသည့် မြေပဲဆီများကို ကိုယ်ပိုင်အမှတ်တံဆိပ်ဖြင့် ဖြန့်ဖြူးရောင်းချလိုပါက ကုန်အညွှန်းအမှတ်အသားလျှောက်ထားခြင်းကို မိမိတို့ဌာနအနေဖြင့် လွယ်ကူလျင်မြန်စွာဆောင်ရွက်ပေးလျက်ရှိကြောင်း ဆွေးနွေးပြောကြားခဲ့ပြီး အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရှိပါသည်။
DOCA(စစ်ကိုင်း)