မွန်ပြည်နယ်စားသုံးသူရေးရာကော်မတီ (၃/၂၀၂၃) လုပ်ငန်းညှိနှိုင်းအစည်းအဝေးကို (၂၁-၉-၂၀၂၃) ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးအစည်းအဝေးခန်းမ၌ ကျင်းပပြုလုပ်ခဲ့ရာ အစည်းအဝေးသို့ မွန်ပြည်နယ်စားသုံးသူရေးရာကော်မတီဥက္ကဋ္ဌ၊ မွန်ပြည်နယ် အစိုးရအဖွဲ့၊ စီးပွားရေးရာဝန်ကြီးနှင့် ကော်မတီအဖွဲ့ဝင်များ၊ စားသုံးသူရေးရာဦးစီးဌာနမှ ဝန်ထမ်းများတက်ရောက်ခဲ့ကြပါသည်။
အစည်းအဝေးတွင် မွန်ပြည်နယ်စားသုံးသူရေးရာကော်မတီဥက္ကဋ္ဌက အဖွင့်အမှာစကားပြောကြားပြီးနောက် စားသုံးသူကာကွယ်ရေးလုပ်ငန်းသည် နိုင်ငံတိုင်းအတွက် မရှိမဖြစ်ဆောင်ရွက်ရန် လိုအပ်သောလုပ်ငန်းဖြစ်ပြီး နိုင်ငံ၏စီးပွားရေးဖွံ့ဖြိုးတိုးတက်ရန် အရေးကြီးသောအခန်းကဏ္ဍမှပါဝင်နေကြောင်း၊ စားသုံးသူကာကွယ်ရေးအသိပညာပေးရာတွင် အောက်ခြေလူတန်းစားများသည် ပညာရေးနိမ့်ပါးခြင်း၊ မီဒီယာအသုံးချနိုင်မှုနည်းပါးခြင်းကြောင့် ၎င်းတို့အား ဦးစားပေး၍ အသိပညာပေးရန် လိုအပ်ကြောင်း၊ ဦးတည်အုပ်စုရွေးချယ်၍ စာသင်ကျောင်းများတွင် ဟောပြောပွဲပြုလုပ်သည်များကို အားရကျေနပ်မိပါကြောင်း၊ ဟောပြောပွဲတွင် ကျောင်းသား/ သူများအား စားသောက်ကုန်များရွေးချယ်ဝယ်ယူသည့်အခါ ဆောင်ရန်/ရှောင်ရန်တို့ကို ထည့်သွင်းဟောပြောစေလိုကြောင်း၊ ကျောင်းမုန့်ဈေးတန်းများကိုလည်း ရှောင်တခင်ဝင်ရောက်စစ်ဆေးရန်လိုအပ်ကြောင်း ပြောကြားခဲ့ပါသည်။
ထို့နောက် မွန်ပြည်နယ်စားသုံးသူရေးရာကော်မတီအတွင်းရေးမှူး၊ မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးက ယခင်အစည်းအဝေးဆုံးဖြတ်ချက်အပေါ် ဆောင်ရွက်ပြီးစီးမှု၊ ဒုတိယသုံးလပတ်အတွင်း လုပ်ငန်းဆောင်ရွက်မှုအခြေအနေ၊ ရှေ့ဆက်လက်ဆောင်ရွက်မည့် လုပ်ငန်းအစီအစဉ်တို့ရှင်းလင်းဆွေးနွေးခဲ့ပြီး ဆက်လက်၍ တက်ရောက်လာသည့် ကော်မတီအဖွဲ့ဝင်များနှင့် အသီးသီးဆွေးနွေးခဲ့ကြပြီး အစည်းအဝေးကို (၁၆:၀၀) နာရီအချိန်တွင် ရုပ်သိမ်းခဲ့ကြောင်းသိရှိရပါသည်။
DOCA(မွန်)