စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်ဦးစီးမှူး ဒေါ်စုစုထွန်းနှင့်ဝန်ထမ်းများသည် (၂၅-၉-၂၀၂၃)ရက်နေ့၊ နံနက်(၀၉:၃၀)နာရီအချိန်တွင် မင်းဘူးမြို့နယ်အတွင်း ရောင်းချနေသောစက်သုံးဆီအရောင်းဆိုင်များအနက် မင်းဘူး၊ ငဖဲ၊ ပဒါန်းလမ်းပေါ်ရှိ DENKO၊ Special Pump ဆီဆိုင်နှင့် Kyaw San ဆီဆိုင်တို့အား သတ်မှတ်ရည်ညွှန်းဈေးထက် ဈေးနှုန်းမြင့်တင်ရောင်းချမှုရှိ/မရှိ၊ အချင်အတွယ်မှန်ကန်မှုရှိ/မရှိနှင့် LED ဆိုင်းဘုတ်များတပ်ဆင်ထားခြင်းရှိ/မရှိတို့ကို အထူးဈေးကွက်စောင့်ကြည့်သည့်အနေဖြင့် ရှောင်တခင်ကွင်းဆင်းစစ်ဆေးခဲ့ကြပါသည်။
ထိုသို့ကွင်းဆင်းစစ်ဆေးရာတွင် DENKO ဆီဆိုင်၊ Special Pump ဆီဆိုင်နှင့် Kyaw San ဆီဆိုင်တို့မှာ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ထုတ်ပြန်ထားသောရည်ညွှန်းဈေးအတိုင်း ရောင်းချနေသည်ကိုစိစစ်တွေ့ရှိရပါသည်။ LED ဆိုင်းဘုတ်များတပ်ဆင်ထားရှိပြီး အလေးချိန်အချင်အတွယ်များလည်းမှန်ကန်ကြောင်း စစ်ဆေးတွေ့ရှိရပါသည်။ (၂၅-၉-၂၀၂၃)ရက်နေ့တွင် ရောင်းချနေသောစက်သုံးဆီဈေးနှုန်းများမှာ (92) (၁)လီတာလျှင် ကျပ်(၂၃၃၅)၊ (95) (၁)လီတာလျှင် ကျပ်(၂၄၄၅)၊ ဒီဇယ်ရိုးရိုး (၁) လီတာလျှင် ကျပ်(၂၆၃၅)၊ Premium (၁)လီတာလျှင် ကျပ်(၂၇၁၀) ဈေးနှုန်းဖြင့်ရောင်းချလျက်ရှိကြောင်း လေ့လာသိရှိရပါသည်။
DOCA(မကွေး)