မကွေးတိုင်းဒေသကြီးအစိုးရအဖွဲ့အနေဖြင့် မကွေးတိုင်းဒေသကြီးမြို့နယ်အသီးသီးရှိ ဈေးဆိုင်များတွင် စားအုန်းဆီများသတ်မှတ်ဈေးနှုန်းထက်ပိုမိုရောင်းချမှုမရှိစေရေး မြို့နယ်စိစစ်ဖော်ထုတ်ကြပ်မတ်ရေးအဖွဲ့ကို ဖွဲ့စည်းတာဝန်ပေးအပ်လာခြင်းကြောင့် (၂၇-၉-၂၀၂၃)ရက်နေ့၊ နံနက်(၀၈:၀၀)နာရီအချိန်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်သိန်း၊ မြို့နယ်ရဲတပ်ဖွဲ့မှူး ရဲမှူးအောင်သူ၊ မြို့နယ်စည်ပင်သာယာရေးအဖွဲ့အမှုဆောင်အရာရှိ ဦးတင်စိုးဝင်းနှင့် မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံ ဦးစီးမှူး ဦးဆန်းလင်းမောင်တို့ပါဝင်သည့် ပူးပေါင်းအဖွဲ့မှာ စလင်းမြို့နယ်ရှိ စားအုန်းဆီရောင်းချနေသော ဆီဆိုင်(၁၀)ဆိုင်ကို ကွင်းဆင်းစစ်ဆေးခဲ့ကြပါသည်။
ထိုသို့ ကွင်းဆင်းစစ်ဆေးရာတွင် စားအုန်ဆီများအား သတ်မှတ်ဈေးနှုန်းအတိုင်း ရောင်းချမှုရှိစေရေးနှင့် ဈေးနှုန်းမြှင့်တင်ရောင်းချမှုမရှိစေရေး ကြပ်မတ်ဆောင်ရွက်ခြင်းနှင့် စားသုံးသူရေးရာဦးစီးဌာနအနေဖြင့်လည်း ဘူးသွပ်ဆီများဖြန့်ဖြူးရောင်းချရာတွင် သတ်မှတ်ညွှန်ကြားချက်များနှင့်အညီ ထည့်သွင်းဖော်ပြ၍ ဖြန့်ဖြူးရောင်းချကြရန် ကွင်းဆင်း၍ အသိပညာဆွေးနွေး၍ စစ်ဆေးခဲ့ကြောင်းသိရှိရပါသည်။
DOCA(မကွေး)