ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံးလက်အောက်ရှိ ကော့မှူးမြို့နယ်တာဝန်ခံ ဦးတင်မင်းသည် ကော့မှူးမြို့နယ်အတွင်းရှိ ဒေသခံပြည်သူများအနေဖြင့် စားသောက်ကုန်ပစ္စည်းများရွေးချယ်ဝယ်သူစားသုံးရန်နှင့် စနစ်တကျဝယ်ယူစားသုံးတတ်စေရန်ရည်ရွယ်၍ ၂၀၂၃ခုနှစ်၊ အောက်တိုဘာလ(၂)ရက်နေ့၊ နံနက်(၁၀:၀၀)နာရီအချိန်တွင် မြို့မစည်ပင်ဈေးပတ်ဝန်း၌ကျင်ရှိသော ဗိုလ်ချုပ်လမ်း၊ မကျီးကန်ရပ်ကွက်၌ရှိသော ဆေးပစ္စည်းများနှင့်စတိုးဆိုင်များသို့သွားရောက်ပြီး ဆိုင်ပိုင်ရှင်များကိုတွေ့ဆုံ၍ ကလေးအာဟာရဖြည့်စွက်စာအမျိုးမျိုးဖြန့်ဖြူးရောင်းချနေမှုတို့ကို ကွင်းဆင်းစစ်ဆေးအသိပညာပေးခဲ့ကြပါသည်။
ထိုသို့ကွင်းဆင်းအသိပညာပေးရာတွင် မြို့နယ်စည်ပင်သာယာရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာနတို့မှ ဝန်ထမ်းများပူးပေါင်း၍ ကော့မှူးမြို့နယ်၊ ဗိုလ်ချုပ်လမ်းမှ ဇာနည်ဆေးနှင့်စတိုး၊ စန္ဒာစတိုးဆိုင်များသို့သွားရောက်ပြီး လုပ်ငန်းရှင်များ၊ ဆိုင်ပိုင်ရှင်များနှင့်တွေ့ဆုံကာ ကလေးအာဟာရဖြည့်စွက်စာအမျိုးမျိုးဖြန့်ဖြူးရောင်းချရာ၌ စားသုံးသူကာကွယ်ရေးဥပဒေဖြင့်ထုတ်ပြန်ထားသော “ကုန်စည်များတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ဖြစ်စေ ဖော်ပြရာ၌ စီးပွားရေးလုပ်ငန်းရှင်များလိုက်နာဆောင်ရွက်ရန် ညွှန်ကြားချက်အရ ကလေးအာဟာရဖြည့်စွက်စာအမျိုးမျိုးနှင့်စပ်လျဉ်း၍ ကုန်ညွှန်းအမှတ်အသားဆိုင်ရာ လိုက်နာရမည့်အချက်တို့ကို အသိပညာပေးပြောကြားခဲ့ပြီး စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် စံချိန်စံညွှန်းများနှင့်ကိုက်ညီမှုမရှိသောစားသောက်ကုန်များနှင့် သက်တမ်းလွန်နေသောအစားအသောက်များရောင်းချခြင်းမပြုစေရေး စသည့်စားသုံးသူကာကွယ်ရေးဆိုင်ရာ သိကောင်းစရာများကိုအကြံပြုဆွေးနွေးပြီး ဈေးကွက်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်းသိရှိရပါသည်။
DOCA(ရန်ကုန်)