မွန်ပြည်နယ်အနေဖြင့် ကွမ်းသီးစိုက်ဧက ၅၆၂၆၁ ဧက၊ ရိတ်ဧက ၅၁၄၂၅၊ နှုန်း ၁၀၅၅.၁၄၊ အထွက် ၅၄၂၆၀၇၀၉ ရှိသည်။ မွန်ပြည်နယ်ရှိ ကျိုက်ထို၊ ဘီးလင်း၊ သထုံ၊ ပေါင် မော်လမြိုင်၊ ချောင်းဆုံ၊ ကျိုက်မရော၊ မုဒုံ၊ သံဖြူဇရပ်၊ ရေး၊ လမိုင်း၊ ခေါဇာမြို့တို့၌ ကွမ်းသီး စိုက်ပျိုးကြသည်။ အများဆုံး စိုက်ပျိုးသည့်မြို့နယ်များမှာ ဘီးလင်းမြို့၊ မော်လမြိုင်၊ သံဖြူဇရပ်မြို့၊ ရေးမြို့၊ လမိုင်းမြို့နယ်၊ ခေါဇာမြို့နယ်တို့မှ စိုက်ပျိုးဧကအများဆုံးနှင့်အထွက် အများဆုံးမြို့နယ်များဖြစ်သည်။
ယခုနှစ် ၂၀၂၃ ခုနှစ် အောက်တိုဘာလအတွင်း ကွမ်းသီးဈေးနှုန်း အခြေအနေမှာ ရေပေါင်းခြမ်း တစ်ပိဿာလျှင် ၄၉၀၀ ကျပ်၊ ရေပေါင်းခြမ်း (၈၈% အခြောက်) တစ်ပိဿာ လျှင် ၅၉၀၀ ကျပ်၊ ရေပေါင်းခြမ်း (၉၉% အခြောက်) တစ်ပိဿာလျှင် ၆၉၀၀ ကျပ်၊ အစာသန့် (ခြောက်) တစ်ပိဿာလျှင် ၅၉၀၀ ကျပ်၊ ရှယ်ဝိုင်း-ခြောက်(သန့်) တစ်ပိဿာလျှင် ၇၁၀၀ ကျပ်၊ ရှယ်ဝိုင်း-ခြောက်( အလယ်သား) တစ်ပိဿာလျှင် ၈၆၀၀ ကျပ်၊ ရှယ်ဝိုင်း-ခြောက် ( အလယ်သား) တစ်ပိဿာလျှင် ၈၆၀၀ ကျပ်၊ မော်လမြိုင်အညိုသီး (ပြွမ်း) တစ်ပိဿာလျှင် ၃၀၀၀ကျပ်၊ မော်လမြိုင်အညိုသီး(သန့်) တစ်ပိဿာလျှင် ၃၆၀၀ကျပ် ဖြစ်ကြောင်း သိရပါသည်။ မွန်ပြည်နယ် မော်လမြိုင်မြို့မှ ထွက်ရှိသော ကွမ်းသီးခြောက်များကို ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် အခြားတိုင်းဒေသကြီး/ ပြည်နယ်များသို့ တင်ပို့ရောင်းချလျက်ရှိကြောင်း သိရှိရပါသည်။
DOCA(မွန်)