၂၀၂၃ ခုနှစ် ၊ အောက်တိုဘာလ (၁၄)ရက်နေ့ နံနက် (၆:၀၀)နာရီအချိန်တွင် ကရင်ပြည်နယ်၊ ဘားအံမြို့ရှိ အမှတ်(၃)ရပ်ကွက်တွင် ကမ်းနားလမ်းအခွန်လွတ်ဈေးကို စတင်ဖွင့်လှစ်ခဲ့ပါသည်။ ထိုကမ်းနားလမ်းအခွန်လွတ်ဈေးတွင် ကရင်ပြည်နယ်ဆန်လုပ်ငန်းရှင်ဆန်ကုန်သည်များအသင်းမှ သက်သာသောဈေးနှုန်းဖြင့် ဆန်များရောင်းချပေးလျက်ရှိကြောင်းနှင့် အဆိုပါအခွန်လွတ်ဈေးတွင် ကရင်ပြည်နယ်ဆန်ကုန်သည်များနှင့် ဆန်လုပ်ငန်းရှင်များ အသင်းမှ ဈေးကားဖြင့် ဆန် (၁) ပြည်ကို (၂၇၀၀) ကျပ်နှုန်းဖြင့် လူတစ်ဦးလျှင် (၄)ပြည်နှုန်းဖြင့် မြေပြင်ပေါက်ဈေးထက် သက်သာသောဈေးနှုန်းဖြင့် ဖြန့်ဖြူးရောင်းချပေးလျက်ရှိကြောင်း သိရသည်။ အဆိုပါ အခွန်လွတ်ဈေးကို ယခင်က အမှတ် (၃) ရပ်ကွက်၊ကန်သာယာတွင်ဖွင့်လှစ် ရောင်းချခဲ့ခြင်းဖြစ်ပြီး၊(၁၄.၁၀.၂၀၂၃)ရက်နေ့မှစ၍ အခွန်လွတ်ဈေးကို ကမ်းနားလမ်းသို့ ပြောင်းလဲဖွင့်လှစ်ခြင်းဖြစ်ကြောင်း သိရသည်။
DOCA(ကရင်)